Արամ Ա. Խորհրդակցութիւններ Կ՛ունենայ Սիսի Կաթողիկոսարանի Վերադարձի Դատին Շուրջ

0
179

ԱՆԹԻԼԻԱՍ.- Անցնող օրերուն, Արամ Ա. կաթողիկոս շարք մը խորհրդակցութիւններ ունեցաւ Սիսի կաթողիկոսարանի վերադարձի դատին շուրջ, Ժընեւի մէջ:

Ինչպէս ծանօթ է, Մեծի Տանն Կիլիկիոյ կաթողիկոսութիւնը Ապրիլ 27, 2015ին, Թուրքիոյ մէջ դատ բացաւ՝ պահանջելով Սիսի կաթողիկոսարանի պատմական կալուածը:

Խորհրդակցութիւններու ընթացքին քննարկուեցան Թուրքիայէն ներս կատարուած վերջին զարգացումները, ինչպէս նաեւ՝ Եւրոպայի Մարդկային իրաւունքներու դատարանի եւ Թուրքիոյ յարաբերութիւններուն մէջ ստեղծուած նոր պայմանները ու անոնց հաւանական ազդեցութիւնը մեր դատին վրայ:

Խորհրդակցութիւնները նաեւ ընդգրկեցին յառաջիկային առնուելիք քայլերուն կարելիութիւնները:

Բնականաբար, այս դատին գծով առնուած որեւէ քայլի կամ արդիւնքի մասին տեղեակ պիտի պահենք մեր ժողովուրդը:

LEAVE A REPLY

Please enter your comment!
Please enter your name here