Արիաւան Բնակելի Թաղամասի Պաշտօնական Բացում. Քաշաթաղի Շրջանի Աղաւնոյ Գիւղը Նոր Բնակելի Թաղամաս Ունի

0
110

Լեռնային Ղարաբաղի Հանրապետութեան հռչակման 25-ամեակի ձեռնարկներու ծիրին մէջ, հանդիսաւորութեամբ բացումը կատարուեցաւ Քաշաթաղ շրջանի Աղաւնոյ գիւղի նորակառոյց Արիաւան թաղամասին:

Արցախի Հանրապետութեան նախագահ Բակօ Սահակեան 3 սեպտեմբերին մասնակցած է Քաշաթաղի շրջանի Աղաւնոյ գիւղին մէջ  Արիաւան նոր բնակելի թաղամասի բացման հանդիսաւոր արարողութեան:

Ձեռնարկին ներկայ էին Հայ առաքելական եկեղեցւոյ Արցախի թեմի առաջնորդ Պարգեւ արք. Մարտիրոսեանը, վարչապետ Արա  Յարութիւնեանը, պաշտօնատար այլ անձիք:

Երկրին ղեկավարը երախտագիտութիւն յայտնած է ԱՌԻ հիմնադրամին` ծրագիրի իրականացման մէջ ունեցած գործուն մասնակցութեան համար եւ ընդգծած, որ գիւղական բնակավայրերու  շէնացումը եղած է ու կը մնայ հանրապետութեան ռազմավարական խնդիրներու առաջնահերթութիւններէն` արժեւորելով այն ժողովրդագրական, քաղաքական եւ ընկերային-տնտեսական տեսանկիւններէն:

Յայտնենք, որ այս ծրագիրը ամբողջացաւ լիբանանահայ գործարարներ համախմբող «Արցախ Ռութց Ինվեսթմընթ» (ԱՌԻ) հիմնադրամին եւ Արցախի Հանրապետութեան կառավարութեան միջոցներով:

 

LEAVE A REPLY

Please enter your comment!
Please enter your name here