ԵԱՀԿ Մինսկի Խմբակի Համանախագահները Այցելեցին Արցախ

0
113

ԵՐԵՒԱՆ, «Երկիր».– Արցախի Հանրապետութեան նախագահ Բակօ Սահակեան 24 Հոկտեմբերին Ստեփանակերտի մէջ ընդունած է ԵԱՀԿ Մինսկի խմբակի համանախագահներ Իկոր Փոփովը (Ռուսիա), Փիեռ Անտրէն (Ֆրանսա), Ճէյմզ Ուորլիքը (Միացեալ Նահանգներ), ԵԱՀԿի գործող նախագահի անձնական ներկայացուցիչ, դեսպան Անճէյ Քասփրչիքը:

Հանդիպման ընթացքին քննարկուած են ատրպէյճանական-ղարաբաղեան հակամարտութեան կարգաւորման եւ վերջին զարգացումներուն առնչուող հարցեր:

Նախագահ Սահակեան նշած է, որ Ատրպէյճան կը շարունակէ հաւատարիմ մնալ իր ապակառուցողական դիրքորոշման՝ խախտելով զինադադարի դրութիւնը եւ չհրաժարելով հայատեաց քաղաքականութենէն:

Երկրի ղեկավարը կարեւոր նկատած է զինադադարի դրութեան պահպանման ու խախտումներու բացայայտման վերաբերող մեքանիզմներու մշակման անհրաժեշտութիւնը՝ զայն նկատելով խաղաղ գործընթացի առանցքային բաղադրիչներէն մէկը:

Նախագահ Սահակեան երախտագիտութիւն յայտնած է ֆրանսացի պաշտօնաթող համանախագահ Փիեռ Անտրէին՝ անոր ազնիւ ու արդիւնաւէտ աշխատանքին համար, եւ անոր մաղթած է յաջողութիւններ կեանքին ու հետագայ գործունէութեան մէջ։

LEAVE A REPLY

Please enter your comment!
Please enter your name here