ՀՅԴ Մարմիններու Խորհրդաժողով Երեւանի Մէջ

0
123

ԵՐԵՒԱՆ.– 24 Հոկտեմբերին, ՀՅԴ Մամլոյ դիւանը հրապարակեց հաղորդագրութիւն մը, որուն մէջ կը տեղեկացնէ, որ 22-23 Հոկտեմբեր 2016ին, Երեւանի մէջ գումարուեցաւ ՀՅԴ մարմիններու խորհրդաժողովը, որուն մասնակցեցան Դաշնակցութեան աշխարհասփիւռ կառոյցի ղեկավար մարմիններու ներկայացուցիչները, ինչպէս նաեւ մամլոյ պատասխանատուները:

Խորհրդաժողովի օրակարգին վրայ էին Հայաստանի մէջ համակարգային բարեփոխումներուն, յառաջիկայ խորհրդարանական ընտրութիւններուն եւ կառավարութեան մէջ վերջին փոփոխութիւններուն վերաբերող հարցերը:

Ժողովը կարեւոր նկատեց Հայաստանի մէջ բարեփոխումներու ընթացքը հանրութեան համար տեսանելի դարձնելու, յառաջիկայ համապետական ընտրութիւնները օրինականութեան ու ժողովրդավարութեան առումով անխոցելի կերպով իրականացնելու անհրաժեշտութիւնը:

Խորհրդաժողովը անդրադարձաւ նաեւ ապրիլեան քառօրեայ պատերազմին, Լեռնային Ղարաբաղի բանակցային գործընթացին, Լեռնային Ղարաբաղի Հանրապետութեան մէջ նախատեսուող սահմանադրական փոփոխութիւններուն եւ այլ հարցերու:

Անդրադարձ կատարուեցաւ կուսակցութեան քարոզչական աշխատանքներուն եւ անոնց կատարելագործման անհրաժեշտութեան՝ հիմնուելով ժամանակակից արհեստագիտական կարելիութիւններուն վրայ:

Օրակարգային հարցերու շուրջ ծաւալեցաւ լայն քննարկում:

LEAVE A REPLY

Please enter your comment!
Please enter your name here