Ուորլիք Կը Բացառէ Արցախի Մասին Համաձայնագիր Մը՝ Առանց «Ատրպէյճանի Հողերու Վերադարձ»ին

0
102

ՊԱՔՈՒ.- Ատրպէյճանական «Թրենտ» լրատու գործակալութեան համաձայն՝ Մինսկի խմբակի ամերիկացի համանախագահ Ճէյմզ Ուորլիք Պաքուի մէջ մամլոյ ասուլիսի մը ընթացքին յայտարարած է. «Առանց Ատրպէյճանի գրաւեալ հողերու վերադարձին, կամ՝ առանց Լեռնային Ղարաբաղի կարգավիճակին շուրջ բանակցութիւններու», ո՛չ մէկ համաձայնագիր պիտի գոյանայ:

Ան նշած է, որ բանակցութիւններու սեղանին վրայ կը գտնուին կարգաւորման բազմաթիւ տարրեր: «Բանակցութիւններու տարրերը կը բովանդակեն գաղթականներու եւ հարկադրաբար տեղահաններու վերադարձը դէպի իրենց հողերը, նաեւ՝ այդ տարածքին վրայ խաղաղապահներու տեղաւորումը: Այդ ամէնը քն-նարկումներու առարկայ կրնայ ըլլալ: Ապագայ կարգավիճակի որոշման հարցը ի՛նք՝ նախագահ Իլհամ Ալիեւ բարձրացուց, եւ մենք կ՛ողջունենք այդ մէկը: Հանդիպումներուն ընթացքին նա-խագահները կրնան քննարկել զանազան տարրեր: Նման հանդիպումներ պէտք է շարունակուին: Նշուած բոլոր տարրերը պէտք է քննարկուին իբրեւ ամբողջական ծրար, որպէսզի ղարաբաղեան հակամարտութիւնը լուծուի խաղաղ ճանապարհով: Համանախագահները արդէն իսկ նշեցին, որ ներկայ իրավիճակը երկար չի կրնար տեւել», ըսած է Ուորլիք:

LEAVE A REPLY

Please enter your comment!
Please enter your name here