Ոչ Եւս Է Ռուբէն Յովսէփեանը

0
111

ԵՐԵՒԱՆ, «Երկիր».- Հոկտեմբեր 27ին, 77 տարեկան հասակին, կեանքէն հեռացաւ գրող, թարգմանիչ եւ խմբագիր Ռուբէն Յովսէփեանը: Ան 1962ին աւարտած է Երեւանի Պետական համալսարանի երկրաբանական բաժանմունքը, իսկ 1982-1987 տարիներուն ե-ղած է «Սովետական Գրող» (այժմ՝ «Նայիրի») հրատարակչութեան գլխաւոր խմբագիր, 1988-1989ին՝ Հայաստանի գրողներու միութեան (ՀԳՄ) քարտուղար, 1989էն ետք՝ «Նորք» ամսագիրի գլխաւոր խմբագիր: Ան Հայաստանի Հանրապետութեան Մշակոյթի վաստակաւոր գործիչի կոչում ստացած է 2014ին: Նաեւ, ՀԳՄի Դ. Դէմիրճեանի անուան մրցանակին արժանացած է 1980ին:

Անոր պատմուածքները եւ վիպակները կը յատկանշուին արծարծուող նիւթերու արդիականութեամբ։ Անոր ստեղծագործութիւններէն են՝ «Որոնումներ», «Հնձան», «Ամենատաք Երկիրը», «Երկար, Հրաշալի Օր» եւ «Ճայերը» հատորները, որոնցմէ մաս մը շարժապատկերի վերածուած է:

Ան նաեւ հայերէնի թարգմանած է Լեւ Թոլսթոյի ստեղծագործութիւններէն մաս մը եւ Կապրիէլ Կարսիա Մարքեզի «Հարիւր Տարուայ Մենութիւն»ը:

LEAVE A REPLY

Please enter your comment!
Please enter your name here