Ցեղասպանութեան Մասին Ֆիլմը՝ «Օսքար»ի Հաւանական Թեկնածու

0
136

ԼՈՍ ԱՆՃԵԼԸՍ.- Չորեքշաբթի, 26 Հոկտեմբերին, «Օսքար»ի մրցանակաբաշխութեան պատասխանատու՝ Շարժապատկերի արուեստներու եւ գիտութեան հիմնարկը հրապարակած է ցանկը այն 10 կարճ վաւերագրական ֆիլմերուն, որոնցմէ 5-ը թեկնածու պիտի ներկայացուի յառաջիկայ տարուան Փետրուարին կայանալիք մրցանակաբաշխութեան ընթացքին։ Թեկնածութեան ներկայացուած էին 61 ֆիլմեր։

Ցանկին մէջ ներառնուած է Նարէ Մկրտչեանի՝ «Տան Միւս Կողմը» («The Other Side of Home») վաւերագրական ֆիլմը։

Հինգ թեկնածու ֆիլմերուն անունները պիտի յստականայ 24 Յունուարին:

Ֆիլմը պատմութիւնն է Թուրքիոյ քաղաքացի կնոջ մը, որ 2015-ին կը բացայայտէ, թէ իր մեծ մայրը Ցեղասպանութիւնը վերապրողներէն մէկն է, եւ կ՛որոշէ մեկնիլ Հայաստան՝ մասնակցելու համար Հայոց ցեղասպանութեան 100ամեակի միջոցառումներուն։ Այդ կնոջ մէջ կը պայքարին Ցեղասպանութենէն վերապրածն ու Ցեղասպանութիւնը ուրացողը:

Երեւան ծնած Նարէ Մկրտչեան, Լոս Անճելըս տեղափոխուած է 15 տարի առաջ եւ մասնագիտացած է Հարաւային գալիֆորնիոյ համալսարանի շարժապատկերի բաժանմունքին մէջ։

LEAVE A REPLY

Please enter your comment!
Please enter your name here