Փայլան Եւ Տողան Կը Մասնակցին «Ճումհուրիյէթ»ի Առջեւ Բողոքի Ցոյցին

0
125

ՊՈԼԻՍ, «Ակօս».- Թուրքիոյ քրտամէտ Ժողովուրդներու ժողովրդավարական կուսակցութեան հայ պատգամաւոր Կարօ Փայլան եւ Հանրապետական ժողովրդային կուսակցութեան հայ պատգամաւոր Սելինա Տողանը  միացած են ընդդիմադիր «Ճումհուրիյէթ» թերթին խմբագրութեան դիմաց տեղի ունեցող բողոքի ցոյցին:

Տողան դատապարտած է «Ճումհուրիյէթ»ի դէմ գործողութիւնները, զանոնք ընդդիմութիւնը լռութեան մատնելու իշխանութեանց համատարած արշաւին մէկ մասնիկը համարելով։

Իր կարգին, Կարօ Փայլան նշած է, որ 16 ամիս առաջ իշխող Արդարութիւն եւ բարգաւաճում կուսակցութիւնը, վերջ տալով քիւրտերու հետ խաղաղութեան գործընթացին, շարք մը յանցանքներ գործած է եւ փորձած է լրատուամիջոցները իրեն մեղսակից դարձնել, որպէսզի իր գործած յանցանքները չբացայայտուին:

««Ճումհուրիյէթ»ը պալատի յանցանքները ջուրի երես հանող հաստատութիւն է: Սեպտեմբեր 12ի յեղաշրջման օրերուն ալ այդպէս էր: Այդ ընթացքին մեծ թիւով գրող եւ լրագրող ձերբակալուած էին։ Նոյնը այսօր կը պատահի, եւ կարգը պիտի հասնի նաեւ լուռ մնացողներուն: Արդէն լռելու ժամանակը չէ», յայտարարած է Փայլան:

LEAVE A REPLY

Please enter your comment!
Please enter your name here