ՎԱՐՉԱՊԵՏ ՍԱԱՏ ՀԱՐԻՐԻ ՍԿՍԱՒ ՆՈՐ ԿԱՌԱՎԱՐՈՒԹԵԱՆ ԿԱԶՄՈՒԹԵԱՆ ԽՈՐՀՐԴԱԿՑՈՒԹԻՒՆՆԵՐՈՒՆ

0
136

Վարչապետ Սաատ Հարիրի այսօր՝ Ուրբաթ եւ վաղը՝ Շաբաթ Լիբանանի խորհրդարանին մէջ պիտի կատարէ կառավարութեան կազմութեան խորհրդակցութիւններ: Այս նպատակով ան պիտի  ընդունի  խորհրդարանական բոլոր խմբաւորումները: Նշենք, թէ սոյն  խորհրդակցութիւնները  կը կրեն ոչ  պարտադիր բնոյթ:

Լիբանանի  խորհրդարանը  արդէն իսկ  հրապարակած է հաղորդագրութիւն մը, որուն մէջ  կը նշուի տեղի ունենալիք երեսփոխանական խորհրդակցութիւններու ժամանակացոյցը: Լիբանանեան  Ուժերու  երեսփոխանական խմբաւորումի անդամ Շանթ  Չինչինեան, այսօր՝  Ուրբաթ, 4 Նոյեմբեր 2016, յետմիջօրէի  ժամը 4.45-ին,  իր խմբաւորումի անդամներուն հետ պիտի  ներկայանայ  նորանշանակ վարչապետին: Շաբաթ,  5  Նոյեմբեր 2016-ի առաւօտեան  ժամը  11.45-ին, վարչապետ Սաատ  Հարիրի  պիտի  ընդունի Հայկական երեսփոխանական խմբաւորումի անդամներ, երեսփոխաններ Յակոբ Բագրատունին եւ Արթիւր Նազարեանը: Ապա, ժամը՝ 1.30-ին երեսփոխան  Սերժ Թուրսարգիսեանը իսկ  ժամը՝ 1.40-ին  պիտի  ընդունի    Մուսթաքպալ  Հոսանք  երեսփոխանական  խմբաւորումը, որուն մաս կը կազմեն  երսփոխաններ Ժան Օղասապեանը եւ Սեպուհ Գալփաքեանը:

LEAVE A REPLY

Please enter your comment!
Please enter your name here