Հրապարակուած Է ԼՂՀ Սահմանադրութեան Նախագիծը

0
98

ԵՐԵՒԱՆ, «Երկիր».- Արցախի Հանրապետութեան Ազգային ժողովի նախագահ Աշոտ Ղուլեանի ղեկավարութեամբ 8 Նոյեմբերին տեղի ունեցած է Լեռնային Ղարաբաղի նախագահին առընթեր սահմանադրական բարեփոխումներու մասնագիտական յանձնաժողովի հերթական նիստը։

Ամփոփելով վերջին շաբաթուան ընթացքին կատարուած աշխատանքները՝ Աշոտ Ղուլեան նշած է, որ Սահմանադրութեան նախագիծը պատրաստ է հանրութեան ներկայացուելու: Մասնագիտական յանձնաժողովի նախագահը ընդգծած է, որ փաստաթուղթը մշակուած է հանրապետութեան նախագահի հաւանութեան արժանացած հայեցակարգի ծիրին մէջ:

«Սահմանադրութեան հրապարակուող նախագիծն աշխատանքային տարբերակ է: Նոյեմբերի 10ից կը մեկնարկի հանրային քննարկումների շարքը՝  ներկայացուած նախագծի շուրջ հասարակութեան կարծիքներն ու առաջարկութիւնները ստանալու համար, որից յետոյ միայն Սահմանադրութեան նախագիծը կը ներկայացուի հանրապետութեան նախագահին», նշած է Աշոտ Ղուլեան:

Համաձայն սահմանուած կարգին՝ Լեռնային Ղարաբաղի նախագահի հաւանութիւնը ստանալէ ետք Սահմանադրութեան նախագիծը պիտի ներկայացուի Ազգային ժողովին, որուն պիտի յաջորդէ քննարկումներու այլ փուլ մը։

Սահմանադրութեան նախագիծի ելեկտրոնային տարբերակը հասանելի է Լեռնային Ղարաբաղի Ազգային ժողովի կայքին վրայ:

LEAVE A REPLY

Please enter your comment!
Please enter your name here