Պաշտոնական Անկարան չեղյալ է համարել ԵԽ պատվիրակության այցը Թուրքիա

0
100

ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Պաշտոնական Անկարան վերջին պահին չեղյալ է համարել Եվրախորհրդարանի պատվիրակության այցը Թուրքիա: Պատճառը պատվիրակության կազմում Թուրքիայի հարցով զեկուցող Քեթի Փիրիի գտնվելու փաստն էր, ով վերջին շրջանում խիստ քննադատական հայտարարություններ է արել թուրքական իշխանությունների վերաբերյալ: Ինչպես հաղորդում է «Արմենպրես»-ը, այս մասին տեղեկացնում է գերմանական Deutsche Welle գործակալությունը:

ԵԽ պատվիրակության այցը ծրագրվել էր Թուրքիայի վարչապետ Բինալի Յըլդըրըմի և Եվրախորհրդարանի նախագահ Մարտին Շուլցի միջև վերջերս կայացած հեռախոսազրույցի ժամանակ: Եվրախորհրդարանը որոշում էր կայացրել Թուրքիա ուղարկել ԵԽ արտաքին գործերի հանձնաժողովի նախագահ Էլմար Բրոքին և Թուրքիայի զեկուցող Քեթի Փիրիին: Պատվիրակությունը պետք է հանդիպումներ ունենար բարձրաստիճան պաշտոնյաների, ընդդիմության ներկայացուցիչների և քաղաքացիական հասարակության անդամների հետ:

Սակայն պաշտոնական Անկարան հայտնել է, որ չի ցանկանում տեսնել Քեթի Փիրիին նրա կողմից Թուրքիայի վերաբերյալ վերջին շրջանում արված հայտարարությունների պատճառով: Հաշվի առնելով Անկարայի նման դիրքորոշումը` ԵԽ-ն իր պատվիրակության այցը հետաձգել է: Մարտին Շուլցը հայտնել է, որ այցը չեղյալ է համարվել «թուրքական իշխանությունների հետ հանդիպման ձևաչափը չհամապատասխանեցնելու պատճառով»:
http://armenpress.am/arm/news/868243/

LEAVE A REPLY

Please enter your comment!
Please enter your name here