Սփիւռքեան Գաղութները Կը Միանան Սփիւռքի Նախարարութեան «Դո՛ւ Ի՞նչ Ես Անում Ղարաբաղի Համար» Շարժման

0
93

ԵՐԵՒԱՆ.– Քանի մը օր անցած է Հայաստանի սփիւռքի նախարարութեան ուղղած համահայկական կոչէն՝ 2017 թուականը համայն հայութեան համար դարձնելու Արցախի տարի, եւ արդէն բազմաթիւ արձագանգներ կան սփիւռքեան գաղութներէն, հայկական դպրոցներէն ու միութիւններէն։

«Դո՛ւ ի՞նչ ես անում Ղարաբաղի համար» խորագիրով շարժման յայտարարութիւնը տարածուած է Սփիւռքի շարք մը լրատուամիջոցներուն մէջ, որուն իբրեւ արդիւնք քիչ չեն նաեւ այս կամ այն նախաձեռնութեամբ հանդէս գալու առաջարկ ներկայացուցած կառոյցները:

Ալմելոյի եւ Նոր æուղայի հայկական գաղութները արդէն իսկ իրականութիւն դարձուցած են իրենց նախաձեռնութիւնը: Մասնաւորապէս, ինչպէս կը հաղորդէ «Հայերն այսօր»ը, Ալմելոյի մէջ Հայ առաքելական Սուրբ Գրիգոր Լուսաւորիչ եկեղեցւոյ սրահին մէջ տեղի  ունեցած է «Աջակցել Լեռնային Ղարաբաղին» շարժումին մասին նախաձեռնութիւն։ Իսկ Նոր æուղայի մէջ աշնանային մթերքներու վաճառք կազմակերպուած է՝ առ ի զօրակցութիւն արցախահայութեան:

Ռուսիոյ Ուֆա եւ Օպնինսք քաղաքներուն մէջ գործող կիրակնօրեայ հայկական դպրոցներու, Քուէյթի ազգային վարժարանի սաներն ալ միացած են հայկական աշխարհին մէջ ձեռնարկը հանրութեան հասանելի դարձնելու կոչին՝ «Դո՛ւ ի՞նչ ես անում Ղարաբաղի համար» գրութեամբ պաստառներով լուսանկարներ տեղադրելով իրենց էջերուն մէջ:

Նշենք, որ Եւրոպայի, Միացեալ Նահանգներու եւ Ռուսիոյ կարգ մը շրջաններուն մէջ յառաջիկայ օրերուն տեղի պիտի ունենան Արցախին նուիրուած մշակութային, բարեսիրական նախաձեռնութիւններ։

LEAVE A REPLY

Please enter your comment!
Please enter your name here