Ստամբուլում գյուլենականների գործով կալանավորվել է 2 հազար 250 մարդ

0
143

ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայում ռազմական հեղաշրջման ձախողված փորձից հետո երկրում գյուլենականների դեմ տարվող գործողությունների շրջանակում միայն ստամբուլի կալանավորվել է 2 հազար 250 մարդ: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:

Ընդհանուր առմամբ իրավապահ մարմինները Ստամբուլում առանձնացրել են 7 հազար 437 կասկածյալի, որոնց շարքում են զինվորներ, ոստիկաններ, գիտնականներ, փաստաբաններ, ուսուցիչներ և այլ անձինք:

Թուրքիայի իշխանությունները չափավոր իսլամական քարոզիչ Ֆեթուլլահ Գյուլենին մեղադրում են երկրում հուլիսի 15-ի ռազմական հեղաշրջման փորձը կազմակերպելու մեջ: Այս կապակցությամբ, երկրի պետական և մասնավոր ոլորտները սկսել են մաքրել գյուլենականներից:

Գյուլենը, սակայն, ի սկզբանե հերքել է մասնակցությունը կատարվածին: Նա կատարվածի կազմակերպիչ է հայտարարել Թուրքիայի նախագահ Ռեջեփ Թայիփ Էրդողանին, ով այդպիսով փորձել է ամրապնդել իշխանությունը:
http://armenpress.am/arm/news/868560/

LEAVE A REPLY

Please enter your comment!
Please enter your name here