Brexit-ի մասին համաձայնագիրը կդրվի խորհրդարանի քվարկությանը

0
106
Theresa May, U.K. prime minister, leaves 10 Downing Street to attend the weekly prime minister's question session in parliament in London, U.K., on Wednesday, Nov. 23, 2016. European Union policy makers intensified their criticism of May's plans to leave the bloc, saying that the U.K. appeared clueless about the implications of Brexit. Photographer: Luke MacGregor/Bloomberg via Getty Images

ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Եվրամիությունից Մեծ Բրիտանիայի դուրս գալու համաձայնագիրը քվարկության Է դրվելու խորհրդարանի երկու պալատներում: Այդ մասին, ինչպես տեղեկացնում Է «Արմենպրես»-ը, հայտարարել Է Միացյալ Թագավորության վարչապետ Թերեզա Մեյը՝ Լոնդոնի Լանքասթեր-հաուսում ելույթ ունենալով Brexit-ի մանրամասնությունների շուրջ: 

«Ես այսօր կարող եմ հավաստել, որ կառավարությունը Brexit-ի շուրջ գործարքի հանրագումարային տարբերակը քվարկության կդնի խորհրդարանում»,-ասել Է նա:
Վարչապետը հայտարարել Է, որ ԵՄ-ից Մեծ Բրիտանիայի դուրս գալը նշանակում Է հսկողության հաստատում եվրոպական երկրներից ներգաղթի նկատմամբ: «Մենք վերահսկելու ենք ԵՄ-ից Մեծ Բրիտանիա ժամանող մարդկանց թվաքանակը: Վերահսկվող ներգաղթը կարող Է օգուտ բերել բիզնեսին»,-ասել Է նա:
Ընդսմին, ինչպես նշել Է Մեյը, Brexit-ը չի նշանակում հրաժարում այն արժեքներից, որոնք Լոնդոնը կիսում Է եվրոպական մյուս երկրների հետ: «Մենք դուրս ենք գալիս Եվրամիությունից, բայց մենք չենք լքում Եվրոպան»,-ասել Է նա, ընդգծելով, որ Մեծ Բրիտանիան չի հրաժարվում Եվրոպայի հետ ընդհանուր արժեքներից:
Նրա խոսքով՝ ԵՄ-ին անդամակցության դադարեցումից հետո Լոնդոնը կշարունակի կատարել պարտավորությունները եվրոպական գործընկերների հանդեպ: 
Մեյը նաեւ խոստացել Է, որ Մեծ Բրիտանիան ԵՄ-ից դուրս գալուց հետո կպահպանի կապերը եվրոպական հատուկ ծառայությունների հետ եւ կշարունակի նրանց հետ կիսել տեղեկատվությունը: 
Մեյը նաեւ նշել Է, որ ԵՄ-ից Մեծ Բրիտանիայի դուրս գալու ծրագիրը չի կարող նախատեսել երկրի պահպանումը միասնական եվրոպական շուկայում: «Այն, ինչ ես առաջարկում եմ, չի կարող ենթադրել անդամակցություն միասնական շուկային»,-ասել Է վարչապետը: Նա հավելել Է, որ Մեծ Բրիտանիայի կառավարությունը հաշվի կառնի Շոտլանդիայի եւ Ուելսի կարծիքը Եվրամիությունից թագավորության դուրս գալու գործընթացում: Բրիտանական կաբինետը «կապահովի թագավորության բոլոր մասերի իրավունքները երկրի խորհրդարանում»,-ասել Է Մեյը:
Եվրամիությունից դուրս գալուց հետո Մեծ Բրիտանիան կշարունակի հետեւել Ռուսաստանի նկատմամբ պատժամիջոցների քաղաքականությանը, հայտարարել Է վարչապետը, հաղորդել Է ՏԱՍՍ-ը:

http://armenpress.am/arm/news/874887/

LEAVE A REPLY

Please enter your comment!
Please enter your name here