Սպանիոյ Սապատել Քաղաքը Ճանչցած Եւ Դատապարտած Է Հայոց Ցեղասպանութիւնը

0
110

Սպանիոյ թագաւորութեան Քաթալոնիա շրջանի Սապատել քաղաքը 23 յունուարին պաշտօնապէս ճանչցած եւ դատապարտած է Հայոց ցեղասպանութիւնը:

Սպանիոյ մէջ Հայաստանի դեսպանատան դիմատետրեան էջը կը հաղորդէ, որ Սապատելի քաղաքապետարանին մէջ ներկայացուած բոլոր քաղաքական ուժերու ղեկավարները ստորագրած են միացեալ յայտարարութիւն մը, որուն համաձայն տեղի ունեցածը կը բնորոշուի իբրեւ ցեղասպանութիւն եւ մարդկութեան դէմ յանցագործութիւն:

Յայտարարութեան մէջ մասնաւորաբար կ՛ըսուի. «Մարդկութեան դէմ գործուած որեւէ յանցանք պէտք է դատապարտուի, որպէսզի այդպիսի բաներ չկրկնուին աշխարհի որեւէ անկիւնի մէջ, որեւէ ազգի, ցեղի կամ դաւանանքի ներկայացուցիչներու հետ: Սապատելի քաղաքային իշխանութիւնները պաշտօնապէս կը ճանչնան Հայոց ցեղասպանութիւնը»:

LEAVE A REPLY

Please enter your comment!
Please enter your name here