Նոր Հրատարակութիւն. Արամ Ա. Կաթողիկոսին Հեղինակութեամբ «The Armenian Church» (Հայ Եկեղեցին)

0
164

Անգլերէնով գրուած եւ 240 էջերու վրայ տարածուած Արամ Ա. կաթողիկոսին յիշեալ գիրքին նպատակն է, ինչպէս ինք կը յիշեցնէ գիրքին ներածականին մէջ, դարաւոր հայ եկեղեցին ծանօթացնել օտարներուն, ինչպէս նաեւ արեւմտեան երկիրներուն մէջ ապրող հայ երիտասարդութիւնը մօտէն հաղորդ դարձնել հայ եկեղեցւոյ պատմութեան, աւանդութիւններուն, արժէքներուն եւ դաւանանքին: Վեհափառ հայրապետը փորձած է որոշ չափով հեռու մնալ ակադեմական վերլուծումներէ եւ ժողովրդային մօտեցումներէ` փորձելով առաւելագոյն չափով հասկնալի դարձնել թէ՛ իր ոճով, մօտեցումով ու վերլուծումով հայ եկեղեցւոյ առնչուած յատկանշական երեւոյթներն ու դէպքերը:

Հայ եկեղեցւոյ պատմութիւնը չէ, որ ներկայացուցած է վեհափառ հայրապետը, այլ պատմական խորքի վրայ հայ եկեղեցւոյ կեանքին ու առաքելութեան իւրայատուկ երեւոյթները եւ եկեղեցւոյ կատարած առանցքային դերը մեր ժողովուրդի կեանքին մէջ: Վեհափառ հայրապետը նաեւ, միշտ ամփոփ գիծերով, լուսարձակի տակ բերած է հայ եկեղեցւոյ աստուածաբանական մտածողութիւնն ու միջեկեղեցական յարաբերութիւնը: Հետեւաբար, մօտէն հաղորդ ըլլալ այս գիրքին բովանդակութեան կը նշանակէ մօտէն ծանօթ ըլլալ հայ եկեղեցւոյ անցեալի ու ներկայի կեանքին ու առաքելութեան: Գիրքը նաեւ պիտի թարգմանուի արաբերէնի, ֆրանսերէնի, գերմաներէնի, սպաներէնի եւ իտալերէնի:

LEAVE A REPLY

Please enter your comment!
Please enter your name here