Լապշինի գործով ՀՀ ՄԻՊ-ն աշխատում է հեղինակավոր կազմակերպությունների հետ

0
154

ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: ՀՀ մարդու իրավունքների պաշտպան Արման Թաթոյանը բլոգեր Ալեքսանդր Լապշինի ազատության վերաբերյալ դժվարանում է երաշխիքներ տալ, սակայն այդ ուղղությամբ հստակ աշխատանքներ են տարվում: Թաթոյանն այդ մասին նշեց կառավարության նիստից հետո լրագրողների հետ զրույցում: «Այս պահին ես աշխատանքներ եմ տանում մի քանի հեղինակավոր կազմակերպությունների հետ: Արդյունքները չեմ կարող երաշխավորել, բայց հուսով եմ, որ դրանք որոշակի ազդեցություն կունենան: Ես համաձայն եմ ԼՂՀ ՄԻՊ-ի այն պնդման հետ, որ այսուհետ պետք է ավելի շատացնել այցերն Արցախ, այդ թվում՝ նաև միջազգային լրագրողների այցերը», – «Արմենպրես»-ի հաղորդմամբ, ընդգծեց Թաթոյանը՝ ավելացնելով, որ ՀՀ և ԼՂՀ ՄԻՊ-երը համատեղ մշակում են ծրագիր՝լրագրողների աշխատանքն Արցախում ավելի արդյունավետ դարձնելու համար:

ՀՀ ՄԻՊ-ի խոսքով՝ Լապշինի արտահանձնումն Ադրբեջանին կարող է լուրջ խնդիրներ առաջացնել մարդու իրավունքների պաշտպանության հետ կապված, բացի այդ՝ Լապշինին արտահանձնելու դեպքում նրան Ադրբեջանում սպառնում են ծանր պատիժներ և վրեժխնդրություն:

Մինսկի ոստիկանությունը 2016 թվականի դեկտեմբերի 15-ին ձերբակալել է Լապշինին, ով բնակվում է Մոսկվայում և գրում է ռուսերեն հեղինակավոր Travel Blog-ի համար: Նա որոնվում է Ադրբեջանում 2011 թվականի ապրիլին, 2012 թվականի հոկտեմբերին և 2016 թվականի հունիսին Լեռնային Ղարաբաղ այցելելու, ինչպես նաև իր բլոգում Ադրբեջանի քաղաքականությունը քննադատելու համար: Ադրբեջանը 2011 թվականին նրան ներառել էր իր կողմից որոնվող անձանց ցուցակում: Պաշտոնական Բաքուն պահանջում է Բելառուսի իշխանություններից Լապշինին արտահանձնել իրենց:
http://armenpress.am/ arm/news/877080/

LEAVE A REPLY

Please enter your comment!
Please enter your name here