Յայտարարութիւն . Համոզուած Ենք, որ Հայաստա՛նն է Մեր Տունը եւ Մե՛նք Ալ Տէրն Ենք Այս Երկրի

0
138

   Մե՛նք հայրենադարձներս, Հայաստան եկանք որպէսզի մեր հնարաւորութիւնները, ներուժը, կապերն ու կենսափորձը ներդնենք մեր ազգի ու երկրի զարգացման ու հզօրացման։

Չվախնալով որեւէ դժուարութենէ, մենք հաստատուեցանք այստե՛ղ, ուր կը վայելենք Հայրենիքին պատկանելու աննկարագրելի բերկրանքը, դադրեցանք պայքարիլ մեր  հայ մնալու համար, մեր երեխաները փրկեցինք օտարամոլութենէն եւ ձուլմէն։

Այսօր, Հայաստանի մէջ կ’ապրինք հոգեկան մեծ բաւարարութեամբ, կը հպարտանանք մեր յաջողութիւններով, իսկ իւրաքանչիւր թերութիւն կը փորձենք ուղղել՝ մեր յառաջընթացը իրականացնելու համար։

Այստեղ համոզուած ենք, որ Հայաստա՛նն է մեր տունը եւ մե՛նք ալ տէրն ենք այս երկրի, զոր կ’ուզենք տեսնել առաւե՛լ անվտանգ, առաւե՛լ պաշտպանուած եւ առաւել արդար։

Մեր միասնականութեամբ պէտք աւելի ամուր ու անքակտելի դարձնենք Հայաստան-Արցախ-Սփիւռք եռամիասնութեան շղթայի օղակները, եւ մեր հզօր ու լուսաւոր ապագան կերտենք՝ իւրաքանչիւր հնարաւորութիւն ի շահ ներդնելով հայրենիքին։

                                                                                                                                                                                    ՀՀ սփիւռքի նախարարարութեան

                                                                                                                                                 կազմակերպած հայրենադարձներու հաւաքի մասնակիցներ

LEAVE A REPLY

Please enter your comment!
Please enter your name here