Աֆղանստանում զոհված խաղաղ բնակիչների թիվը հասել է ռեկորդային նշագծի. TOLOnews

0
126
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Աֆղանստանում շարունակվող հակամարտության հետեւանքով զոհված կամ վերքեր ստացած խաղաղ բնակիչների թիվը 2016 թվականին կազմել Է մոտավորապես 11,5 հազար, ինչն ամենաբարձր ցուցանիշն Է 2009 թվականից ի վեր, երբ ՄԱԿ-ն սկսեր նման վիճակագրություն վարել: Այդ մասին, ինչպես տեղեկացնում Է «Արմենպրես»-ը, փետրվարի 6-ին հայտնել Է TOLOnews հեռուստաալիքը՝ վկայակոչելով ՄԱԿ-ի՝ Աֆղանստանի աջակցման առաքելությունը (ՄԱԿԱԱԱ):  

Անցած տարի 3 հազար 498 խաղաղ աֆղանցիներ զոհվել են, եւս 7 հազար 920-ը վերքեր են ստացել հակամարտության հետեւանքով: Զոհված քաղաքացիական անձանց թիվը 2015 թվականի համեմատությամբ նվազել Է 2 տոկոսով, իսկ վիրավորներինը ավելացել Է 6 տոկոսով: 
Միեւնույն ժամանակ, ինչպես նշում Է ՄԱԿ-ի առաքելությունը, հակամարտության հետեւանքով զոհված աֆղանցի երեխաների թիվը 2016 թվականին ավելացել Է 24 տոկոսով եւ կազմել 3,5 հազար: Զոհված եւ վիրավորված երեխաների մոտավորապես կեսը տուժել Է զինյալների եւ կառավարական ուժերի միջեւ տեղի ունեցած ռազմական գործողությունների, մնացածները՝ չպայթած ռումբերի եւ այլս զինամթերքի պայթյունների հետեւանքով: 
Աֆղանստանում «Իսլամական պետություն» կազմակերպության քայքայիչ գործունեության հետեւանքով սպանված եւ վիրավորված խաղաղ բնակիչների թիվը 2015 թվականի համեմատությամբ ավելացել Է տասն անգամ: Խաղաղ բնակիչները դառնում են մահապարտների օգտագործմամբ ահաբեկչական գործողությունների զոհեր, որոնք կազմակերպում Է ԻՊ-ն, հաղորդել Է ՏԱՍՍ-ը:

http://armenpress.am/arm/news/877491/

LEAVE A REPLY

Please enter your comment!
Please enter your name here