«Հայրենիքի ՄԷջ Քեզ Միշտ Հանգիստ Ու Ապահով Կը Զգաս.Վիքթորիա Ասլանեան

0
142

«Golden Grape ArmAs» գինիի եւ քոնեակի գործարանի տնօրէն, գործարար Վիքթորիա Ասլանեան կը մասնակց էր ՀՀ սփիւքի նապարարութեան կազմակերպած «Մեր օրերու հայրենադարձները` տուն դարձածները» հաւաք-հանդիպման:

Վիքթորիա Ասլանեանի հայրը` Արմէն Ասլանեան, 2007 թուականին Ամերիկայի Միացեալ Նահանգներէն Հայաստան վերադառնալով` ներդրումային մեծ ծրագիր  իրականացուցած է. Արագածոտնի մարզին մէջ խաղողի պտղատու այգիներ  տնկած եւ գործարան բացած:

«Երբ 2009 թուականին Լոս Անճելըսէն Հայաստան եկանք, չէինք պատկերացներ, որ հայրս այդպիսի մեծ  գործունէութիւն  սկսած է ծաւալել: Շատ ոգեւորուեցանք, հիացանք անոր նախաձեռնութեան եւ միանգամէն  որոշեցինք հայրենադարձուիլ, որպէսզի անոր կողքին գտնուինք եւ շարունակենք միասին կատարել յետագայ աշխատանքները»,-«Հայերն այսօր»-ի հետ զրոյցին ըսաւ  Վիքթորիա Ասլանեան` աւելցնելով, որ ուրախ կը զգանք ներդրում կատարելով նպաստել Հայաստանի շէնացման:

Օտար ափերու վրայ տասնութ տարի ապրելէ ետք վերադառնալով Հայաստան` (ծնած է Երեւան-հեղ) Վիքթորիան անվարան կը փաստէ, որ Հայաստանէն լաւ տեղ չկայ աշխարհի մէջ, ընտանիքէն ետք  Հայրենիքն է այն հարազատ օճախը, ուր միշտ  հանգիստ ու ապահով կը զգաս : Ի հարկէ, վերադառնալէ յետոյ դժուարութիւններու հանդիպած է, սակայն չէ վհատած, լաւատեսութեամբ լեցուած առաջ  ընթացած է` մտածելով, որ բոլոր դժուարութիւնները  ժամանակաւոր բնոյթ կը կրեն:

Գէորգ Չիչեան

LEAVE A REPLY

Please enter your comment!
Please enter your name here