Բրյուսելում ՆԱՏՕ-ի գագաթնաժողովը տեղի կունենա մայիսի 25-ին

0
103
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի նորընտիր նախագահ Դոնալդ Թրամփի համար ՆԱՏՕ-ի առաջին գագաթնաժողովը տեղի կունենա մայիսի 25-ին Բրյուսելում: Այդ մասին, ինչպես տեղեկացնում Է «Արմենպրես»-ը, հայտնել Է Բելգիայի վարչապետ Շառլ Միշելը:

«Շատ ուրախ եմ՝ իմ գործընկերներին մայիսի 25-ին Բրյուսելում ընդունելու ՆԱՏՕ-ի հաջորդ գագաթնաժողովում եւ բացելու դաշինքի նոր կենտրոնակայանը»,-գրել Է Միշելը Twitter-ում:
Բրյուսելի գագաթնաժողովը կկայանա Վարշավայում դաշինքի ղեկավարների՝ 2016 թվականի հուլիսի 8-9-ին տեղի ունեցած հանդիպումից մեկ տարի չանցած: Ավելի վաղ ՆԱՏՕ-ի գլխավոր քարտուղար Ենս Ստոլտենբերգը հայտնել Է, որ ՆԱՏՕ-ի Բրյուսելի գագաթնաժողովը կանցկացվի ավելի նեղ ձեւաչափով, եւ դրա գլխավոր նպատակը կլինի հանդիպումն ԱՄՆ-ի նոր նախագահի հետ: 
Ինչպես փետրվարի 6-ին հայտնել Է դաշինքը, ամփոփելով Ստոլտենբերգի եւ Թրամփի միջեւ կայացած հեռախոսային բանակցությունների արդյունքները, նիստում քննարկվելու են, մասնավորապես, ահաբեկչության դեմ պայքարը, դաշինքի անդամների միջեւ ծախսերի արդարացի բաշխումը, Ուկրաինան եւ Ռուսաստանի նկատմամբ քաղաքականությունը, հաղորդել Է ՌԻԱ Նովոստին:

http://armenpress.am/arm/news/878016/

LEAVE A REPLY

Please enter your comment!
Please enter your name here