«Ռուսիա Արժանի Պատասխան Պիտի Տայ, Եթէ Միացեալ Նահանգներ Գործադրեն Սուրիոյ Դէմ Իրենց Սպառնալիքները» Ըսաւ Լաւրով

0
120

Ռուսիոյ արտաքին գործոց նախարար Սերկէյ Լաւրով իր գերմանացի պաշտօնակից Զիկմար Կապրիէլի հետ հանդիպումի մը ընթացքին յայտնեց, որ եթէ Միացեալ Նահանգներ գործադրեն Սուրիոյ դէմ իրենց սպառնալիքները` քիմիական զէնքով յարձակումի ենթադրեալ ծրագիրներու հետ կապուած, ապա Ռուսիան պիտի արձագանգէ ըստ արժանւոյն:

«Ես կ՛ակնկալեմ, որ այս անգամ գոնէ Միացեալ Նահանգներ պիտի առաջնորդուին քիմիական զէնք չտարածելու դրութիւնը իսկապէս պաշտպանելու անհրաժեշտութեամբ, եւ ոչ թէ պիտի օգտագործէ ենթադրեալ հետախուզական տուեալները, որպէսզի սադրանք կատարէ ահաբեկչութեան դէմ պայքարող սուրիական կառավարական բանակին հերթական հարուած հասցնելու», ըսաւ Լաւրով:

Ռուսիոյ արտաքին գործոց նախարարը հաստատեց, որ վերջին զրոյցի ընթացքին Միացեալ Նահանգներու արտաքին գործոց նախարար Ռեքս Թիլըրսըն յայտնած էր, որ իր երկիրը ունի որոշ տեղեկութիւն Սուրիոյ կողմէ ծրագրուող քիմիական զէնքով յարձակումի մասին:

LEAVE A REPLY

Please enter your comment!
Please enter your name here