ԱՐԱԲԱԿԱՆ ԾՈՑԻ ԵՐԿԻՐՆԵՐԸ ՎՃՌԱԿԱՆ ԺԱՄԵՐՈՒ ԱՌՋԵՒ

0
158

Հակառակ երկխօսութեան կոչերուն, վճռական ժամեր կ’ապրին Արաբական Ծոցի պետութիւնները: Քաթար անընդունելի կը նկատէ իրեն յղուած պայմանները:

Սէուտական Արաբիոյ, Արաբական Միացեալ Էմիրութիւններու, Պահրէյնի եւ Եգիպտոսի արտաքին գործոց նախարարները հանդիպում մը պիտի ունենան Չորեքշաբթի օր եւ քննարկեն Քաթարի դէմ առնուելիք հետագայ քայլերը:
Բրիտանիոյ վարչապետ Թերեզա Մէյ հեռախօսազրոյց մը ունեցաւ Սէուտական Արաբիոյ գահաժառանգ Մուհամմէտ պին Սալմանի հետ: Մէյ դիտել տուաւ Արաբական Ծոցի երկիրներու եւ Քաթարի միջեւ տարակարծութիւնները երկխօսութեան ճանապարհով լուծելու անհրաժեշտութիւնը: Բրիտանիոյ վարչապետը միաժամանակ Քաթարէն պահանջեց գործակցիլ դրացի պետութիւններուն հետ՝ ահաբեկչութեան եւ արմատականութեան դէմ:
Իր կարգին Բրիտանիոյ արտաքին գործոց նախարար Պորիս Ճոնսըն հանդիպում մը ունեցաւ Քաթարի արտաքին գործոց նախարար շէյխ Մուհամմէտ պին Ալ Թանիի հետ եւ մաղթեց պահպանել արաբական Ծոցի պետութիւններուն միջեւ համագործակցութիւնը
Արաբական Ծոցի փոթորիկին պատճառով Սէուտական Արաբիոյ Սալման պին Ապտէլ Ազիզ վեհապետը պիտի բացակայի « G- 20» գերաստիճանէն:

LEAVE A REPLY

Please enter your comment!
Please enter your name here