ԱՐՄԷՆ ԱՄԻՐԵԱՆ.«ԿԱՌԱՎԱՐՈՒԹԻՒՆԸ ՈՒՆԻ 5-ԱՄԵԱՅ ԾՐԱԳԻՐԸ ԻՐԱԿԱՆԱՑՆԵԼՈՒ ՊԱՏԿԵՐԱՑՈՒՄՆԵՐԸ ՈՒ ՄԻՋՈՑՆԵՐԸ»

0
150

Հայաստանի մշակոյթի նախարար Արմէն Ամիրեանի կարծիքով,նոր կառավարութիւնը ունի Ազգային Ժողովին կողմէ հաստատուած 5-ամեայ ծրագիրները իրականացնելու բոլոր կարելիութիւնները,պատկերացումները եւ միջոցները:

Լրագորղներու հետ զրոյցի մը ընթացքին Արմէն Ամիրեան յայտնեց.« Մենք ներկայացուցած ենք 5-ամեայ ծրագիր եւ պատրաստ ենք իրականացնելու զայն: Մենք ունինք բոլոր ուժերը, կարելիութիւնները,պատկերացումները եւ գործիքները այդ ծրագիրը իրականացնելու համար»:
Նախարարը նաեւ աւելցուց, թէ վարչապետ Կարէն Կարապետեան ինքզինք շատ հանգիստ կը զգայ կառավարութեան ներկայ կազմին եւ համակարգուած աշխատանքին մէջ: Այն հարցումին, թէ կառավարութիւնը պատրաստ պիտի ըլլա՞յ ծրագիրը իրականացնելու մէկ այլ վարչապետի հետ, եթէ Կարէն Կարապետեան 2018-ին լքէ վարչապետի պարտականութիւնը: Արմէն Ամիրեան պատասխանեց.« Մենք կ’իրականացնենք Հայաստանի Հանրապետական Կուսակցութեան ներկայացուցած ծրագիրը: Կուսակցութիւնը ներկայացուցած է հաւաքական ծրագիր, մենք այդ խմբաւորոմով պիտի իրականացնենք այդ ծրագիրը: Այս պարագային էական չէ, նաեւ թէ ով կ’ըլլայ մշակոյթի նախարարը, էականը ծրագիրի իրականացումն է»:
Հայաստանի Ազգային Ժողովը 22 Յունիսին հաւանութիւն տուաւ կառավարութեան գործունէութեան 5-ամեայ ծրագիրին: Կառավարութեան ծրագիրին կողմ քուէարկեց 64 երեսփոխան, դէմ՝ 31: Կառավարութեան ծրագիրին կողմ քուէարկեցին ՀՀԿ-ն եւ ՀՅԴ-ն, իսկ «Ելք»ը եւ «Ծառուկեան» խմբակցութիւնները դէմ:

LEAVE A REPLY

Please enter your comment!
Please enter your name here