ԱՏՐՊԷՅՃԱՆ ԱՊՕՐԷՆ ԶԷՆՔ ԿԸ ՄԱՏԱԿԱՐԱՐԷ ԻՍԼԱՄԱԿԱՆ ԱՀԱԲԵԿՉԱԿԱՆ ԽՄԲԱՒՈՐՈՒՄՆԵՐՈՒՆ

0
137

  Պուլկարիոյ ամենալայն շրջանառութեամբ, ամենամեծ տպաքանակով  «Թրուտ»  օրաթերթը, խօսուն փաստերու եւ գաղտնազերծուած փաստաղուղթերու վրայ հիմնուած գայթակղիչ հետաքննութիւն մը  հրապարակեց իր 2 Յուլիս 2017-ի համարով, ուր կը  բացայայտուի ատրպէյճանական պետական օղակներու անմիջական ներգրաւուածութիւնը, զինելու աշխարհի տարբեր ափերու մէջ գործող իսլամական ահաբեկչական խումբեր:

  Թերթի  յօդուածագիր Տիլիանա Կայթանիջեւա  լուսարձակի տակ կը վերցնէ  «Silk Way Airlines»  ազերիական  օդանաւային  պետական ընկերութեան կողմէ, դիւանագիտական գոյքերու անուան տակ՝  Սուրիա, Իրաք, Աֆղանիստան, Փաքիստան եւ Գոնկօ զէնքի ապօրէն  վաճառքը:

  Յօդուածը հրապարակուած է, երբ պուլկարացի  ցանցահէններ  յաջողած են թափանցել Սոֆիայի մէջ  Ատրպէյճանի դեսպանատան  ցանցին մէջ եւ ձեռք բերած բազմաթիւ փաստաթուղթեր:  Յօդուածագիրը կը նշէ, թէ վերջին երեք  տարիներու ընթացքին, ատրպէյճանական ընկերութիւնը, դիւանագիտական ծածկոյթներու տակ քողարկուած՝ տասնեակ թոներով  զէնք եւ զինամթերք ղրկած է աշխարհի տարբեր  «տաք» գօտիներ:

Ատրպէյճանական օդանաւային ընկերութեան կարեւոր յաճախորդներէն կը նկատուին   ամերիկեան  տարբեր կազմակերպութիւններ: Անոնք  մեծ քանակութեամբ զէնք կը մատակարարեն արտասահմանի մէջ  տեղակայուած Միացեալ Նահանգներու բանակի  ստորաբաժանումներուն, ինչպէս նաեւ  Ալ Քայիտայի մասնաճիւղ Ճեպհէթ ալ Նուսրային կամ կ’ուղարկեն Աֆղանիստան:

LEAVE A REPLY

Please enter your comment!
Please enter your name here