ԳԵՐՄԱՆԻՈՅ ԿԱՌԱՎԱՐՈՒԹԻՒՆԸ ԷՐՏՈՂԱՆԻՆ ԱՐԳԻԼԵՑ ԵԼՈՅԹ ՈՒՆԵՆԱԼ ՀԻՒՊԱՏՈՍԱՐԱՆԻՆ ՄԷՋ

0
117

 «G-20» գերաստիճանին մասնակցելու նպատակով Գերմանիա մեկնող Թուրքիոյ նախագահ Ռեճէպ Թայիփ Էրտողան, ելոյթ պիտի չկարենայ ունենալ Թուրքիոյ հիւպատոսարանին մէջ: Գերմանիոյ արտաքին գործոց նախարարութեան խօսնակ Մարթին Շեֆըր յայտնեց,թէ նմանօրինակ ելոյթներու համար անհրաժեշտ է նախապէս դիմում ներկայացնել Գերմանիոյ  կառավարութեան: Շեֆըր դիտել տուաւ, թէ նախարարութեան նախազգուշացումէն դուրս որեւէ նախաձեռնութիւն պիտի դիտարկուի իբրեւ Գերմանիոյ կառավարութեան կողմէ ընդունուած որոշումի խախտում:

Թուրքիոյ դեսպանատան  մամլոյ  հարցերու պատասխանատու Ռեֆիք Տողուքօղլու  յայտարարեց, թէ  արտօնութեան անհրաժեշտութիւնը  չի տեսներյ  հիւպատոսարանին մէջ Թուրքիոյ նախագահին ելոյթին համար:

Նախագահ Էրտողան մտադրած է  «G-20»  անդամ պետութիւններու գերաստիճանին աւարտէն ետք  հրապարակային հանդիպում մը կազմակերպել  իր կողմնակիցներուն հետ : Տարբեր սրահներու սեփականատէրեր  կը մերժեն սրահ տրամադրել Էրտողանին: Հետեւաբար, Թուրքիոյ նախագահը  մտադրած է  հիւպատոսարանին մէջ  հանդիպիլ իր համախոհներուն հետ:

LEAVE A REPLY

Please enter your comment!
Please enter your name here