ԱՐԹՈՒՐ ՋԱՒԱԴԵԱՆԻ ՀԱՄԱՁԱՅՆ՝ ՀԱՅԱՍՏԱՆ ՈՍԿԻԻ ՄԵԾ ՊԱՇԱՐ ՊԻՏԻ ՈՒՆԵՆԱՅ

0
147

Հայաստան շատ շուտով պիտի ունենայ բաւական լուրջ ոսկիի պաշարներ: Ազգային ժողովին մէջ լրագրողներուն յայտնեց  Հայաստանի Կեդրոնական դրամատան նախագահ Արթուր Ջաւադեան: «Ես մէկ տարի առաջ ալ յայտարարած էի: Հիմա մենք ծրագիր կ՛իրականացնենք համաշխարհային ճանաչում ունեցող շատ լուրջ ընկերութեան մը հետ: Հիմա կը կառուցենք արդիւնաբերական եղանակով, զտման միջոցով  ազնիւ մետաղներ  ստանալու գործարան: Շատ մեծ գործարան պիտի ըլլայ, որուն տնօրինութիւնը պիտի ստանձնէ համաշխարհային շատ լուրջ ընկերութիւն մը: Ես համոզուած եմ, որ շատ շուտով մենք պիտի ունենանք աւելի շատ ոսկիի պաշարներ, քան ունեցած ենք մինչեւ 2004 թուականը»,- «Արմենփրէս»-ի փոխանցմամբ` ըսած է Ջաւադեան:

Ան յայտնած է, թէ 2004-ին Հայաստանի ոսկիի պաշարը եղած է ընդամէնը 1.6 թոն: «Այդ ժամանակ մեր ոսկիի պաշարները վաճառելը ճիշդ քայլ եղած է, որովհետեւ այն եկամուտը, որ մենք ստացած ենք ու փոխանցած ենք պետական պիւտճէ, շատ լուրջ թիւ եղած է»,- մանրամասնած է ան:

Ան աւելցուցած է, որ գործարանի կառուցումէն ետք կ՛ակնկալուի ունենալ ոսկիի շատ աւելի մեծ պաշար, որովհետեւ տուեալ գործարանի  արտադրութեան կարելիութիւնը տարեկան մինչեւ 10 թոն է:

LEAVE A REPLY

Please enter your comment!
Please enter your name here