ԵԱՀԿ-Ի ԽՈՐՀՐԴԱՐԱՆԱԿԱՆ ՎԵՀԱԺՈՂՈՎԸ Կ’ԸՆԴԳԾԷ ԼԵՌՆԱՅԻՆ ՂԱՐԱԲԱՂԻ ՀԱԿԱՄԱՐՏՈՒԹԵԱՆ ԿԱՐԳԱՒՈՐՄԱՆ ԱՆՀՐԱԺԵՇՏՈՒԹԻՒՆԸ

0
124

 

  Պելառուսիոյ մայրաքաղաք Մինսկի մէջ տեղի ունեցաւ ԵԱՀԿ-ի Խորհրդարանական Վեհաժողովը, ուր քննարկուեցան ԵԱՀԿ-ի տարածաշրջանին մէջ առկայ հակամարտութիւնները  եւ անոնց լուծման ուղղութեամբ նախատեսուող քայլերը:

Պելառուսիոյ նախագահ Ալեքսանդր Լուքաշենքոն նշեց, թէ վեհաժողովը արդիւնաւէտ միջոց է տարածաշրջանին մէջ անվտանգութեան ամրապնդման ուղղութեամբ, որ  խիստ կարեւոր է ԵԱՀԿ-ի համար: Ան անդրադարձաւ Միջին Արեւելքի հակամարտութիւններուն, որոնք  ծանր ազդեցութիւն կ՝ունենան Եւրոպայի վրայ, ինչպէս նաեւ ԵԱՀԿ տարածաշրջանին մէջ ձգձգուող հակամարտութիւններուն, ինչպէս Լեռնային Ղարաբաղի եւ Մերձտնեսդրի հակամարտութիւնները:

ԵԱՀԿ Խորհրդարանական Վեհաժողովի նախագահ Քրիստին Մութոնէն նշեց, թէ ԵԱՀԿ-ի անդամ երկիրները իրենց պատմական ընդհանուր փորձին հիման վրայ՝ ստանձնած են ընդհանուր արժէքներ եւ պարտաւորութիւններ` նպաստելու անվտանգութեան համապարփակ տարբերակին, որ առաջին գիծի վրայ կը դնէ ժողովրդավարութիւնն ու մարդու իրաւունքները:

ԵԱՀԿ-ի գործող նախագահ Սեբաստիան Քուրց, իր հերթին, ընդգծեց,թէ խորհրդարանակնները վճռական դեր ունին ԵԱՀԿ-ի տարածաշրջանին մէջ առկայ հակամարտութիւններու լարուածութեան մեղմացման եւ վստահութեան վերականգնման գործընթացին  մէջ: 

 

LEAVE A REPLY

Please enter your comment!
Please enter your name here