ԵՒՐՈՊԱԿԱՆ ԽՈՐՀՐԴԱՐԱՆԻ ԲԱՆԱՁԵՒԸ ԿԸ ՀԱՍՏԱՏԷ ԱՐՑԱԽԻ ԺՈՂՈՎՈՒՐԴԻՆ ԻՆՔՆՈՐՈՇՄԱՆ ԻՐԱՒՈՒՆՔԸ

0
128

   Սթրազպուրկի մէջ իր նիստերը գումարող Եւրոպական Խորհրդարանը, Չորեքշաբթի, 5 Յուլիս 2017-ին հրաւիրած լիագումար նիստի  ընթացքին, ձայներու 457՝ կողմ, 124՝ դէմ  եւ 66՝ ձեռնպահ յարաբերակցութեամբ  բանաձեւ մը  ընդունեց,  որ կ’ընդգրկէ ՄԱԿ-ի Գլխաւոր Վեհաժողովի 72-րդ նստաշրջանին Եւրոպական Խորհրդարանին կողմէ Եւրոպական Միութեան Խորհուրդին տրուած առաջարկութիւնները: 

Բանաձեւը կը հաստատէ Արցախի ժողովուրդին  ինքնորոշման  իրաւունքը եւ կը  բացառէ ուժի կիրառման սկզբունքը:  Ատրպէյճանական կողմը  բազմաթիւ  ջանքերով փորձեց  բանաձեւէն դուրս ձգել  ժողովուրդներու ինքնորոշման  իրաւունքի սկզբունքը եւ առանձնացնել տարածքային ամբողջականութեան եւ միջազգայնօրէն  ճանչցուած սահմաններու անքակտելիութեան սկզունքը, սակայն շնորհիւ  Եւրոպական Միութեան մէջ Հայաստանի Հանրապետութեան ներկայացուցիչներու գործադրած  ջանքերուն, ազերիներու նախաձեռնութիւնը տապալեցաւ:

Հայկական կողմի նախաձեռնութիւնը ստացաւ  Եւրոպական Խորհրդարանի անդամներուն  մեծամասնութեան ձայները:

LEAVE A REPLY

Please enter your comment!
Please enter your name here