ԵԱՀԿ-Ի ՄԻՆՍԿԻ ՀԱՄԱՆԱԽԱԳԱՀՆԵՐԸ ՆՈՐ ՅԱՅՏԱՐԱՐՈՒԹԻՒՆ ՄԸ ԼՈՅՍ Կ’ԸՆԾԱՅԵՆ

0
144

  ԵԱՀԿ-ի  մնայուն  խորհուրդի նիստի ընթացքին, Մինսկի խումբի համանախագահներ  Իկոր Փոփով (Ռուսիա),Սթեֆան Վիսքոնթի (Ֆրանսա) եւ Ռիչարտ Հոկլանտ (Միացեալ Նահանգներ) հրապարակեցին նոր յայտարարութիւն մը՝ կապուած Լեռնային Ղարաբաղի սահմանագիծին վրայ  զինադադարի խախտումներուն,  խստօրէն պահանջելով վտանգի տակ չդնել խաղաղ  բնակչութիւնը:

Համանախագահներուն յայտարարութեան մէջ  Երեքշաբթի, 4 Յուլիսին զինադադարի  խախտումը կը նկատուի սադրիչ գործողութիւն, որ կրնայ խափանել հակամարտութեան կարգաւորման խաղաղ ջանքերը եւ վտանգել գալիք բանակցութիւնները:

«Կողմերուն կը յիշեցնենք Ժնեւեան համաձայնութեան մէջ ամրագրուած անոնց պարտաւորութիւնները, որոնք կ՛ենթադրեն զերծ մնալ ցանկացած գործողութենէ, որ կրնայ յանգեցնել քաղաքացիական անձերու անընդունելի կորուստներու: Կողմերուն կ՛առաջարկենք ձեռնարկել անյետաձգելի միջոցներ լարուածութեան թուլացման ուղղութեամբ եւ յստակօրէն հետեւիլ 1994-1995 թուականներու հրադադարի համաձայնագիրներուն:

«Ռուսիան, Ֆրանսան եւ Միացեալ Նահանգներ կ՛ընդգծեն հակամարտութեան խաղաղ կարգաւորման հնարաւորինս շուտ հասնելու` բանակցութիւնները սկսելու անհրաժեշտութիւնը, քանի որ այդ է միակ իրական ճանապարհը` հասնելու տարածաշրջանի ժողովուրդներու խաղաղութեան, բարգաւաճման ու հաշտեցման»,- նշած են համանախագահները:

Երեքշաբթի, 4 Յուլիսի երեկոյեան, Պաշտպանութեան բանակի մամուլի ծառայութիւնը տեղեկացուցած էր, որ նոյն օրը, ատրպէյճանական կողմը հայկական դիրքերուն ուղղութեամբ կրակած տարբեր տեսակի  հրանօթներով:  

Հայկական կողմը կորուստներ չէ ունեցած: Աւելի ուշ, Պաշտպանութեան բանակը պատասխան հարուածներ հասցուցած է թշնամիի դիրքերուն ուղղութեամբ: Ատրպէյճանական կողմը յայտարարած է երկու զոհ եւ մէկ վիրաւոր:  

LEAVE A REPLY

Please enter your comment!
Please enter your name here