ԹՈՒՐՔԻՈՅ ԽՈՐՀՐԴԱՐԱՆԸ ՏՈՒԳԱՆՔԻ ՊԻՏԻ ԵՆԹԱՐԿԷ ՑԵՂԱՍՊԱՆՈՒԹԻՒՆ ԵԶՐԸ ԱՐՏԱՅԱՅՏՈՂ ԵՐԵՍՓՈԽԱՆՆԵՐԸ

0
119

Թուրքիոյ խորհրդարանի անդամները այսուհետեւ ստիպուած պիտի ըլլան տուգանք վճարելու Հայոց ցեղասպանութեան մասին խօսելու համար: Այս մասին կը գրէ թրքական «Հիւրրիէթ» օրաթերթը:

Թուրքիոյ իշխող «Արդարութիւն եւ Բարգաւաճում» եւ «Ազգային Շարժում» կուսակցութիւններու կողմէ պատրաստուած եւ խորհրդարանին ներկայացուած է երեսփոխաններու վարքի, նիստերու կանոնակարգի հետ առնչուած 18 կէտերէ բաղկացած փոփոխութիւններու ծրար մը, որուն մէջ տեղ գտած է նաեւ «թուրք ժողովուրդի պատմութիւնը ու Թուրքիոյ մէջ ապրող ժողովուրդներու ընդհանուր անցեալը վիրաւորելու եւ մեղադրանքներ ներկայացնելու» պարագային երեսփոխանները` նիստերէն ժամանակաւոր հեռացնելու, անոնց աշխատավարձէն 12 հազար թրքական լիրայի չափով զրկելու մասին առաջարկ մը:
Թրքական օրաթերթը կը շեշտէ, թէ տուեալ ծրարը թիրախ դարձուցած է «1915-ի դէպքերու մասին խօսելու ընթացքին ցեղասպանութիւն եզրոյթին կիրառումը խորհրդարանին մէջ»:
«Ազգային Շարժում»ի անդամներուն կողմէ աւելցուած է նաեւ «Քիւրտիստան» կամ «քրտական նահանգներ» ձեւակերպումները օգտագործող երեսփոխաններուն դէմ նոյն պատժամիջոցը կիրառելու պահանջ մը:
Թուրքիոյ ընդդիմադիր Ժողովրդահանրապետական եւ Ժողովրդադեմոկրատական կուսակցութիւնները յայտնած են, թէ պիտի չաջակցին առաջարկներու ծրարին:

LEAVE A REPLY

Please enter your comment!
Please enter your name here