ՀԱՅԱՍՏԱՆԻ ՄԷՋ ՏԵՂԻ ՊԻՏԻ ՈՒՆԵՆԱՅ ՀԻՆ ԵՒ ՆՈՐ ՏԱՐԱԶՆԵՐՈՒ ՄՐՑՈՅԹ-ՓԱՌԱՏՕՆ

0
308

Հայաստանի մէջ առաջին անգամ ըլլալով տեղի պիտի ունենայ ազգային տարազներու ցուցադրութեան մրցոյթ-փառատօն: Սոյն միջոցառումը կը միտի նպաստել ազգային արժէքներու պահպանութիւնը:

Փառատօնի կազմակերպիչ, հասարակական գործիչ Էմիլ Մարկոսեան յայտնեց, թէ գաղափարը շատ պատահական յառաջացած է իր մօտ: Միայն մէկ օրուան ընթացքին ստացած է մասնակցութեան 75 առաջարկ: Ան աւելցուց, թէ մրցոյթին պիտի մասնակցին ծանօթ ձեւագէտներ, որոնք պիտի ցուցադրեն իրենց զգեստները, միաժամանակ պիտի ցուցադրուին հին եւ նոր ազգային տարազներ:Մրցոյթ-փառատօնի ընթացքին նախատեսուած է երաժշտական ստեղծագործական կատարումներու մրցոյթ:
Մասնակիցները պիտի ըլլան Հայաստանի տարբեր շրջաններէն եւ Լեռնային Ղարաբաղէն: Մասնակցութեան դիմումները պիտի ընդունուին մինչեւ 20 Յուլիս: Մրցոյթին առաջին փուլը կը սկսի 30 Յուլիսին, իսկ աւարտական փուլը տեղի պիտի ունենայ 15 Օգոստոսին: Յաղթողները պիտի ստանան տարբեր տեսակի նուէրներ: Եզրափակիչ փուլը տեղի պիտի ունենայ Երեւանի Յակոբ Պարոնեանի անուան երաժշտական կատակերգութեան պետական թատրոնին մէջ:

LEAVE A REPLY

Please enter your comment!
Please enter your name here