ՆԱԽԱԳԱՀ ՍԵՐժ ՍԱՐԳՍԵԱՆ՝ ԲԱՒԱՐԱՐ ՍՊԱՌԱԶԻՆՈՒԹԻՒՆ ՈՒՆԻՆՔ ԼԵՌՆԱՅԻՆ ՂԱՐԱԲԱՂԻ ԵՒ ՀԱՅԱՍՏԱՆԻ ԴԷՄ ՎՏԱՆԳՆԵՐԸ ՉԷԶՈՔԱՑՆԵԼՈՒ ՀԱՄԱՐ

0
123

«Լեռնային Ղարաբաղի բնակչութեան ինքնորոշման իրաւունքը ի վերուստ տրուած իրաւունք է, միջազգային կառոյցներու կանոնադրութեամբ նախատեսուած իրաւունք է, միջազգային իրաւունքի կողմէ ընդունուած սկզբունք է եւ պիտի կատարուի»: «Արմենիա» հեռատեսիլի ընկերութեան «Ռեվոլուցիա» հաղորդաշարին տուած հարցազրոյցին յայտարարեց Հայաստանի հանրապետութեան նախագահ, Հայաստանի զինուած ուժերու գերագոյն գլխաւոր հրամանատար Սերժ Սարգսեան:

«Ես բազմաթիւ անգամ ըսած եմ, հիմա ալ պիտի կրկնեմ՝ թիւ մէկ երաշխիքը սեփական մարտունակ զինուած ուժեր ունենալն է: Սա թիւ մէկ երաշխիքն է եւ ամենավստահելի երաշխիքը: Մենք ունինք բաւարար սպառազինութիւն, որպէսզի կարենանք մեր զօրքի մարտական ունակութիւններուն օգտագործմամբ չէզոքացնել այն վտանգը, որ կը սպառնայ Լեռնային Ղարաբաղին կամ Հայաստանի հանրապետութեան:Ան որ կը կարծէ, թէ «Իսկանտէր»ը զուտ բարոյական կամ հոգեբանական նշանակութիւն ունի, չի հասկնար, թէ ի՞նչ է «Իսկանտէր»ը: Երբ իմանայ, կը հասկնայ, թէ ինչպիսի կործանարար ուժ ունի այդ զէնքը» յայտարարեց նախագահ Սերժ Սարգսեան:

LEAVE A REPLY

Please enter your comment!
Please enter your name here