ՍԵՒԱՆ ՆԻՇԱՆԵԱՆ՝ ԼԱՒ ԳՈՒՄԱՐ ՈՒՆԵՆԱԼՈՒ ՊԱՐԱԳԱՅԻՆ ԴԻՒՐԻՒՆ Է ՓԱԽՈՒՍՏ ՏԱԼ ԹՈՒՐՔԻԱՅԷՆ

0
136

Բանտէն փախուստ տուած Սեւան Նիշանեան յայտնած է, թէ իրականութեան մէջ շատ դիւրիւն է փախուստ կազմակերպել Թուրքիայէն, եթէ ենթական ունենայ զգալի քանակութեամբ գումար: Նիշանեան սոյն յայտարարութիւնը կատարած է «Հիւրրիէթ» օրաթերթին:

« Թուրքիայէն փախուստ տալը շատ դիւրիւն է: Ինչպէս կը տեսնէք, լաւ գումարի առկայութեան պարագային բոլորն ալ կրնան փախուստ տալ: Անվտանգութեան կառոյցներուն գումար տալու պարագային, շատ հանգիստ կրնաք փախուստ տալ». ըսած է մտաւորականը:
Նիշանեան խուսափած է յայտնելու, ու՞ր կը գտնուի ներկայիս: Ան նշած է, թէ 48 ժամ սպասելու անհրաժեշտութիւն չկայ.« Այս պահէն սկսեալ զիս կրնաք ընդունիլ իբրեւ փախուստի մէջ գտնուող անձ».ըսած է լեզուաբանը:
Թրքական այլ աղբիւրներու հետ հաղորդակցութեան մէջ մտնելով, Նիշանեան յայտնած է, թէ ժամանակը հասնելու պարագային, մանրամասնօրէն պիտի պատմէ, ինչպէ՞ս փախուստ տուած է բանտէն: «Մտածեցի, թէ 3,5 տարին արդէն բաւական է, եկած է ժամանակը, երբ պէտք է շունչ քաշել: Այս է բոլորը: Այս պայմաններուն մէջ որոշեցի Թուրքիոյ թերութիւններէն օգտուելով, դուրս գալ պետութեան վերահսկողութեան տարածութենէն»:

LEAVE A REPLY

Please enter your comment!
Please enter your name here