ՆԱԼՊԱՆՏԵԱՆ ՀԱՊԿ-ԻՆ ՆԵՐԿԱՅԱՑՈՒՑ ԼԵՌՆԱՅԻՆ ՂԱՐԱԲԱՂԻ ԿԱՐԳԱՒՈՐՄԱՆ ԳՈՐԾԸՆԹԱՑԸ ԽԱՆԳԱՐԵԼՈՒ ՊԱՔՈՒԻ ԳՈՐԾՈՂՈՒԹԻՒՆՆԵՐԸ

0
115

Պելառուսի մայրաքաղաք Մինսկի մէջ սկսաւ Հաւաքական Անվտանգութեան Պայմանագիրի Կազմակերպութեան (ՀԱՊԿ) անդամ պետութիւններու արտաքին գործոց նախարարներու խորհուրդի նիստը: Հանդիպումը կը նախագահէր Պելառուսի արտաքին գործոց նախարար Վլատիմիր Մաքէն: ՀԱՊԿ գլխաւոր քարտուղար Եուրի Խաչատուրով զեկուցեց կազմակերպութեան ընթացիկ աշխատանքները:

Նախարարները քննարկեցին ՀԱՊԿ Անվտանգութեան Խորհուրդի 2016-ի Երեւանեան գերաստիճանի որոշումներուն կատարման ընթացքը:
Հայաստանի արտաքին գործոց նախարար Էտուարտ Նալպանտեան ներկաներուն ուշադրութեան հրաւիրեց ղարաբաղեան հակամարտութեան վերաբերեալ Հայաստանի եւ ԵԱՀԿ-ի Մինսկի խումբի համնախագահ երկիրներու ջանքերը ձախողութեան մատնելու Ատրպէյճանի գործողութիւնները, ինչպէս նաեւ Վիեննայի եւ Սան Փեթերսպուրկի գերաստիճաններուն ձեռք բերուած համաձայնութիւնները խոչընդոտելու Պաքուի ռազմական սադրանքները:

LEAVE A REPLY

Please enter your comment!
Please enter your name here