ԲԱԳՕ ՍԱՀԱԿԵԱՆ ՎԵՐԸՆՏՐՈՒԵՑԱՒ ԱՐՑԱԽԻ ՆԱԽԱԳԱՀ

0
123

Արցախի Ազգային Ժողովը Չորեքշաբթի, 19 Յուլիս 2017-ի առաւօտեան գումարեց յատուկ նիստ եւ Բագօ Սահակեանը վերընտրեց երկրի նախագահ:

Նախագահի ընտրութեան ներկայ գտնուեցան 32 երեսփոխաններ (մէկ բացակայ): Ժողովրդավարութիւն կուսակցութենէն նիստէն կը բացակայէր Արմօ Ծատուրեանը:
Արցախի Ազգային Ժողովի երեք՝ Հայրենիք, Ժողովրդավարութիւն եւ Դաշնակցութիւն խմբակցութիւնները առաջադրեցին գործող նախագահ Բագօ Սահակեանի թեկնածութիւնը: Գործող նախագահին իր վստահութիւնը յայտնեց նաեւ խորհրդարանի միակ անկախ երեսփոխան Արսէն Առստամեանը: Նախագահի պաշտօնին ընտրուելու համար սկզբունքով անհրաժեշտ էր 21 ձայն:
Բագօ Սահակեան ստացաւ 28 քուէ: Անոր անմիջական մրցակիցը Էտուարդ Աղաբեկեան՝ չորս:
Շնորհակալութիւն յայտնելով վստահութեան համար՝ Արցախի նորընտիր նախագահը նշեց, թէ պիտի շարունակէ իր աշխատանքը նոր եռանդով եւ նոր ծրագիրով՝ յանուն Արցախի զարգացման եւ բարգաւաճման:
Արցախի սահմանդրութեան 168-րդ յօդուածին համաձայն՝ խորհրդարանին ընտրած նախագահը պիտի պաշտօնավարէ մինչեւ գործող Ազգային Ժողովի լիազօրութիւններուն աւարտը՝ 2020,որմէ ետք տեղի պիտի ունենան Արցախի նախագահի համապետական ընտրութիւններ:

LEAVE A REPLY

Please enter your comment!
Please enter your name here