ԳԵՐՄԱՆԻՈՅ ՔԱՂԱՔԱՑԻՆԵՐԸ ԹՈՒՐՔԻՈՅ ՄԷՋ ԳԵՐԻ ԻՅՆԱԼՈՒ ՎՏԱՆԳԻ ՏԱԿ

0
131

Գերմանիոյ Ձախերու կուսակցութեան անդամ, երեսփոխան, ազգութեամբ թուրք Սեւիմ Տաղտելէն կառավարութենէն պահանջեց նախազգուշացնել Թուրքիա այցելող քաղաքացիներուն:

Տաղտելէն զգուշացուց՝ Գերմանիոյ քաղաքացիները Թուրքիոյ մէջ «գերի իյնալու» վտանգի տակ կը գտնուին: Երեսփոխանը Գերմանիոյ կառավարութենէն պահանջեց փոխել Թուրքիոյ հանդէպ քաղաքականութիւնը.« սպասելու, յուսալու եւ խնդրելու ժամանակը արդէն իսկ անցած է».յայտնեց ան:
Միւս կողմէ, Կանաչներու կուսակցութեան անդամ, երեսփոխան Ջեմ Օզտեմիր ընդգծեց, թէ հասարակական գործիչներ ձերբակալելով Թուրքիա վնաս կը հասցնէ սեփական տնտեսութեան.« Չեմ հասկնար, թէ ինչպէ՞ս կարելի է անվտանգ ներդրում ընել Թուրքիոյ մէջ»:
Նշենք, թէ թրքական իշխանութիւնները ձերբակալած են մարդկային իրաւանց պաշտպանութեան վեց անդամներ եւ գերմանացի քաղաքացի մը:

LEAVE A REPLY

Please enter your comment!
Please enter your name here