ԵԱՏՄ-Ի ԱՆԴԱՄ ԵՐԿԻՐՆԵՐԸ ՀԱՄԱՁԱՅՆԵՑԱՆ ԿԱԶԻ, ՆԱՒԹԻ ԳՆԱՑՈՒՑԱԿՆԵՐՈՒ ԿԱՐԳԸ

0
132

Եւրասիական տնտեսական յանձնաժողովի ուժանիւթի եւ ենթակառոյցներու հարցերու խորհուրդի անդամ Ատամքուլ Ժունուսովի նախագահութեամբ տեղի ունեցաւ ԵԱՏՄ անդամ երկիրներու խորհրդակցութեան հերթական նիստը:

Նիստի ընթացքին քննարկուեցաւ նաւթի, կազի եւ նաւթամթերքներու ընդհանուր շուկայ ստեղծելու ծրագիրը: Այս օրակարգին շուրջ գոյացաւ որոշակի համաձայնութիւն: Կազի շուկայական սակը ԵԱՏՄ անդամ պետութիւններուն միջեւ պիտի կնքուի ուղիղ համաձայնագիրերով կամ սակարանային աճուրդի միջոցով:
Ժունուսով յայտարարեց, թէ ԵԱՏՄ անդամ պետութիւնները որոշած են այս տարուան Աշնան ստորագրել խորհրդակցական նիստերու ընթացքին գոյացած համաձայնութիւնները:
Մասնագէտներու նախատեսութեամբ, ԵԱՏՄ-ի անդամ երկիրներուն միջեւ ընդհանուր շուկայի ստեղծումը ինքնաբերաբար պիտի նուազեցնէ կազի սակագինը, ինչպէս նաեւ պիտի երաշխաւորէ նաւթի եւ նաւթամթերքի ազատ մատակարարումը:

LEAVE A REPLY

Please enter your comment!
Please enter your name here