ՀԱՅԱՍՏԱՆԻ ԵՐԻՏԱՍԱՐԴԱԿԱՆ ՀԱՒԱՔԱԿԱՆԸ ՊԱՐՏՈՒԵՑԱՒ ՊԵԼՃԻՔԱՅԷՆ

0
127

Եւրոպայի պասքեթպոլի տղոց Բ. Դասակարգի ախոյեանութեան (20 տարեկանէն փոքր) խմբային փուլի վերջին օրուան մրցումներուն, Հայաստանի հաւաքականը՝ 87-74 արդիւնքով պարտութիւն մը կրեց Պելճիքայէն:

Հայաստանի հաւաքականը գրաւեց իր խմբակին 5-րդ դիրքը: Հայ պասքեթպոլիստները կատարեցին չորս մրցում եւ արձանագրեցին միայն մէկ յաղթանակ: Յատկանշական է, որ անոնք պարտութեան մատնեցին խմբակին առաջին դիրքը գրաւող Լեհաստանը:
Հայաստանի հաւաքականը պայքարը պիտի շարունակէ ախոյեանութեան 17-րդ դիրքին համար: Գլխաւոր մարզիչ Վիգէն Էսքիճեանի տղոց մրցակիցը 21 Յուլիսին պիտի ըլլայ Ատրպէյճանը:

LEAVE A REPLY

Please enter your comment!
Please enter your name here