Armeniatravel ԿԱՅՔԷՋԸ ԶԲՕՍԱՇՐՋԻԿՆԵՐՈՒՆ ՀՆԱՐԱՒՈՐՈՒԹԻՒՆ ՊԻՏԻ ՏԱՅ ՄՇԱԿԵԼՈՒ ՀԱՅԱՍՏԱՆԻ ՄԷՋ ԻՐԵՆՑ ՍԵՓԱԿԱՆ ԵՐԹՈՒՂԻՆ

0
126

Մօտ օրերուն պիտի սկսի գործել Armeniatravel Հայաստանի պաշտօնական զբօսաշրջութեան կայքէջը: Ան, զբօսաշրջիկներուն պիտի ընծայէ Հայաստանի մասին տեղեկութիւններ ստանալու կարելիութիւն: Այս մասին յայտարարեց Հայաստանի զբօսաշրջութեան պետական կոմիտէի նախագահ Զարմինէ Զէյթունցեանը:

« Կայքէջը պիտի ներկայացնէ պաշտօնական եւ կանոնագրուած տեղեկատուութիւն, որուն պակասը շատ զգալի է այսօր: Զբօսաշրջիկը Հայաստան ժամանելէ առաջ կը փորձէ տեղեկութիւն փնտռել Հայաստանի մասին: Այսօր թուային մարքեթինկի գործիքներով պիտի յաջողինք ոչ միայն մեր կայքէջը դարձնել առաջնային, այլեւ՝ կարելիութիւն պիտի տանք զբօսաշրջիկին յստակ մշակելու իր երթուղին ». ըսաւ Զարմինէ Զէյթունցեան:
Անոր խօսքով, արդէն իսկ սկսած է տեղեկութիւններու հաւաքագրումը ՝ կոմիտէի ֆէյսպուքեան էջի յայտարարութեամբ: Ըստ յայտարարութեան՝ բոլոր անոնք, որոնք կը զբաղին զբօսաշրջութեամբ, կրնան իրենց մասին տեղեկութիւնները ղրկել,որպէսզի կոմիտէն տեղադրէ կայքէջին վրայ:

LEAVE A REPLY

Please enter your comment!
Please enter your name here