ՄԱԿ Կ’ՕԺԱՆԴԱԿԷ ՀԱՅԱՍՏԱՆԻ ՀՒԻՍՈՒԱԾԵՂԷՆԻ ԵՒ ԿՕՇԿԱԳՈՐԾՈՒԹԵԱՆ ՄԱՐԶԵՐՈՒՆ

0
124

ՄԱԿ-ի արդիւնաբերութեան զարգացման կազմակերպութիւնը երկու միլիոն տոլարի վարկ մը տրամադրած է Հայաստանին՝ հիւսուածեղէնի եւ կօշկագործութեան մարզերը զարգացնելու նպատակով:

ՄԱԿ-ի արդիւնաբերութեան զարգացման կազմակերպութեան ծրագիրի խումբի ղեկավար Անիթա Թրավիանիի կարծիքով՝ Հայաստան զարգացման մեծ ուժ եւ հեռանկար ունի վերոյիշեալ մարզերուն մէջ:Այս նպատակով, ՄԱԿ ծրագրած է ծառայութիւններու կեդրոն մը հիմնել Հայաստանի մէջ: Կեդրոնը օժտուած պիտի ըլլայ արդիւնաբերական յատուկ սարքաւորումներով, որմէ պիտի օգտուին կօշիկ արտադրող Հայաստանի բոլոր ընկերութիւնները:
Թավիանի միաժամանակ յայտնեց, թէ առանց Հայաստանի տնտեսական զարգացման եւ ներդրումներու նախարարութեան աջակցութեան եւ հետաքրքրութեան անկարելի պիտի ըլլար իրագործել ՄԱԿ-ի ծրագիրը:

LEAVE A REPLY

Please enter your comment!
Please enter your name here