ԲԱԳՕ ՍԱՀԱԿԵԱՆ ՄԱՍՆԱԿՑԵՑԱՒ ՍՈՒՐԲ ՅՈՎՀԱՆՆԷՍ ՄԿՐՏԻՉ ԵԿԵՂԵՑՒՈՅ 777-ԱՄԵԱԿԻՆ ՆՈՒԻՐՈՒԱԾ ՊԱՏԱՐԱԳԻՆ

0
175

Արցախի հանրապետութեան նախագահ Բագօ Սահակեան մասնակցեցաւ Գանձասարի Սուրբ Յովհաննէս Մկրտիչ եկեղեցւոյ օծման 777-ամեակին նուիրուած Սուրբ պատարագին: Սուրբ Յովհաննէս եկեղեցին կը գտնուի Գանձասարի Վանք գիւղին մէջ, Մարտակերտի շրջանը:

Այս առիթով, Արցախի հանրապետութեան մէջ բարեգործական շարք մը ծրագիրներու իրականացման աշխատանքներէն ներս ունեցած աւանդին համար եւ Գանձասարի Սուրբ Յովհաննէս Մկրտիչ եկեղեցւոյ օծման 777-ամեայ յոբելեանին առիթով, նախագահ Բագօ Սահակեան՝ Արցախի թեմի փոխառաջնորդ Սահակ վարդապետ Շաքարեանը, բարերարներ Վարուժան Բաղրամեանը եւ Արամ Ֆրանկեանը պարգեւատրեց «Երախտագիտութեան» մետալով:
Յոբելենական հանդիսութիւններուն ներկայ գտնուեցան Լեռնային Ղարաբաղի Ազգային Ժողովի նախագահ Աշոտ Ղուլեանը, Հայաստանի հանրապետութեան արտաքին գործոց նախարար Էտուարտ Նալպատնեանը, պաշտօնակատար անձնաւորութիւններ, Հայաստանէն եւ Սփիւռքէն ներկայացուցիչներ, արտասահմանէն հիւրեր:

LEAVE A REPLY

Please enter your comment!
Please enter your name here