ՎԼԱՏԻՄԻՐ ՓՈՒԹԻՆ «ԽՆԴԻՐ» ԱՆՈՒԱՆԱԾ Է ԱԼԻԵՒԸ

0
167

Ռուսիոյ նախագահ Վլատիմիր Փութին, Սոչիի մէջ, 21 Յուլիսին, «Սիրիուս» ուսումնական կեդրոնի երեխաներուն հետ հանդիպման ընթացքին անդրադարձած է Ատրպէյճանի նախագահ Իլհամ Ալիեւի հետ նոյն օրը նախատեսուած հանդիպումին՝ անոր անուանելով «խնդիր»:

Երեխաներու հարցումներուն պատասխանելու ընթացքին, HTP հեռատեսիլի հաղորդավար Կոլիանովի այն կատակին, թէ երեխաներու հետ հանդիպման երկարաձգումը կրնայ խնդիր յառաջացնել, որովհետեւ նախագահը միայն 21 Յուլիսի ծնեալներուն պատրաստած է նուէր, նախագահ Փութին բառացիօրէն պատասխանած է .« Խնդիրը իմ մօտ տեսէք մէկ ժամ ետք: Մէկ ժամ ետք պիտի հանդիպիմ Ատրպէյճանի նախագահին»:
Աւելի կանուխ, 6 Փետրուար 2017-ին, Եւրոպական Յանձնաժողովի նախագահ Ժան Գլոտ Եունքէր, Պրիւքսէլի մէջ լրագրողներու հետ հանդիպումի ժամանակ շնորհակալութիւն յայտնելով լրագրողներուն ըսաւ՝ .« Շնորհակալ եմ, Ձեզի լաւ օր կը մաղթեմ: Այժմ պիտի հանդիպիմ Ատրպէյճանի նախագահին հետ, հետեւաբար իմ համար աւարտած է օրուան լաւ մասը»:
Պաշտօնական Պաքուն տակաւին չի մեկնաբաներ Փութինի եւ Եունքէրի յայտարարութիւններուն:

LEAVE A REPLY

Please enter your comment!
Please enter your name here