ԼՈՅՍ ՊԻՏԻ ՏԵՍՆԷ ՅՈՎՀԱՆՆԷՍ ԹՈՒՄԱՆԵԱՆԻ ՏԱՍ ՀԱՏՈՐԵԱԿԸ

0
141

Յովհաննէս Թումանեանի ծննդեան 150-ամեակի ծիրէն ներս բազմաթիւ ձեռնարկներ պիտի իրականացուին, որոնց շարքին՝ գիտական ուսումնասիրութիւնները, լրագրողներու հետ այսօր կայացած հանդիպման ժամանակ ըսաւ գրականագէտ Վարդան Դեւրիկեան:

Ան տեղեկացուց, թէ ձեռնարկներու ծիրէն ներս պիտի վերահրատարակուի մեծ գրողի երկերուն 10-հատորեակը: Նոր հրատարակութիւնը պարզունակ վերատպում պիտի չըլլայ, այլ պիտի ներառէ ուշ յայտնաբերուած ձեռագիրներ ու ծանօթագիրներ, որոնք նախապէս հարկադրաբար տպագրուած են հատորեակներէն դուրս: Ծանօթագրութիւնները աւելի մանրամասն եւ շատ պիտի ըլլան: Այժմ վերահրատարակուած է տասը հատորներէն երկուքը, երրորդը պիտի լոյս տեսնէ հովանաւորներ գտնուելու պարագային:
«Երկրորդ հատորը կ՛աւարտի 1914 թուականով, երրորդ հատորը պիտի աւարտի` 1917-ով: Ընդհանուր առմամբ, գրողի կեանքին տարեգրութեան կը վերաբերին տասը հատորներէն չորսը»,- panorama.am-ի փոխանցմամբ՝ նշեց գրականագէտը:
Վարդան Դեւրիկեան նշեց նաեւ, թէ հայ մեծ գրողի ստեղծագործութիւններուն հանրահռչակման համար անհրաժեշտ է լուրջ միջոցներ եւ ժամանակ` զանոնք պատշաճ որակով թարգմանելու եւ ներկայացնելու օտարերկրեայ ընթերցողին: Գրականագէտը միաժամանակ յոյս յայտնեց, որ Յովհաննէս Թումանեան եւ Կոմիտաս ընդգրկուին ԵՈՒՆԵՍՔՕ-ի մէջ։

LEAVE A REPLY

Please enter your comment!
Please enter your name here