ԵՒՐՈՊԱԿԱՆ ՄԻՈՒԹԻՒՆԸ ԱՆՀՆԱՐ ԿԸ ՆԿԱՏԷ ԹՈՒՐՔԻՈՅ ՀԵՏ ԲԱՆԱԿՑՈՒԹԻՒՆՆԵՐԸ

0
148

Թուրքիոյ արտաքին գործոց նախարար Մեւլութ Չաւուշօղլու եւ Եւրոպական Միութեան հարցերով նախարար Օմէր Չելիք, Պրիւքսէլի մէջ, հանդիպում մը ունեցան Եւրոպական Միութեան ատաքին քաղաքականութեան գլխաւոր բանագնաց Ֆետերիքա Մոկերինիի եւ Եւրոպայի դրացնութեան քաղաքականութեան եւ ընդլայնման բանակցութիւններու յանձնակատար Եոհաննէս Հանի հետ:

Եւրոպական Միութեան ներկայացուցիչները մերժեցին, Եւրոպական Միութեան անդամակցութեան համար գործակցութեան նոր եզրեր ստեղծելու Թուրքիոյ առաջարկը: Մոկերինի խիստ մտահոգիչ անուանեց Թուրքիոյ մէջ ընդդիմադիր գործիչներու, լրագրողներու, իրաւապաշտպաններու բանտարկութեան երեւոյթը: Ան համագործակցութեան եւ երկխօսութեան նախապայման դրաւ ազատութիւններու հարցով դրական քայլերու անհրաժեշտութիւնը:
Իր կարգին, Եոհաննէս Հան դիտել տուաւ, թէ Թուրքիա չէ կատարած իր վրայ դրուած 72 պայմաններէն 5-ը: Հան նոյնպէս իր մտահոգութիւնը յայտնեց Թուրքիոյ մէջ կատարուող ձերբակալութիւններուն:« Այս պահուն անհնար է գործակցութեան նոր գլուխ բանալ » նշեց Եւրոպական Միութեան յանձնակատարը:

LEAVE A REPLY

Please enter your comment!
Please enter your name here