Յովհաննէս Այվազովսկիի Ծննդեան 200ամեակին Առիթով Ուքրանիոյ ՄԷջ Յուշադրամ Թողարկուած Է

0
133

ԵՐԵՒԱՆ, «Հայերն Այսօր».- Ուքրանիոյ ազգային դրամատունը շրջանառութեան մէջ դրած է «Յովհաննէս Այվազովսկի» յուշադրամը:

Դրամ հաւաքողներու հաւաքածոն կը համալրուի յուշադրամով մը, որ թողարկուած է ականաւոր ծովանկարիչ Յովհաննէս Այվազովսկիի ծննդեան 200ամեակին առիթով:

Ըստ Ուքրանիոյ ազգային դրամատան կայքին՝ մետաղադրամը թողարկուած է «Ուքրանիոյ ականաւոր անհատներ» շարքին մէջ, որ շրջանառութեան մէջ դրուած է 35,000 օրինակ քանակով:

«Ականաւոր ծովանկարիչի ծննդեան 200-ամեակին նուիրուած յուշադրամի եւ նամականիշի թողարկումը համաշխարհային գեղանկարչութեան գանձարանին մէջ Յովհաննէս Այվազովսկիի աւանդի պետական ճանաչման ակնյայտ վկայութիւնն է, որ կ՛ընդգծէ հայկական եւ ուքրանական մշակոյթներու փոխադարձ հարստացման երեւոյթը», «Անալիթիքա»ի հետ զրոյցին ընթացքին կը նշէ ուքրանացի տեսաբան, պատմաբան, Ուքրանիոյ զինանիշագիտութեան միութեան անդամ Մաքսիմ Ցարենքօ:

Երկրի շրջաններուն մէջ Յովհաննէս Այվազովսկիի ծննդեան 200ամեակին նուիրուած ձեռնարկները մեկնարկած են Նիքոլաեւի մէջ՝ ցուցահանդէսներու շարքով, ուր ի պատիւ յայտնի ծովանկարիչին տեղի ունեցան քանի մը ձեռնարկներ: Յովհաննէս Այվազովսկիի աշխատանքներու ցուցահանդէս կազմակերպուած էր նաեւ Քիեւի մէջ

LEAVE A REPLY

Please enter your comment!
Please enter your name here