ԱՊՊԱՍ ԻՊՐԱՀԻՄ՝ ԱՐՍԱԼԻ ԳԱՂԹԱԿԱՅԱՆՆԵՐԷՆ ՍՈՒՐԻԱ ՎԵՐԱԴԱՌՆԱԼ ՓԱՓԱՔՈՂՆԵՐՈՒՆ ԹԻՒԸ ԿԸ ԴԱՆԴԱՂԵՑՆԷ ԶԻՆԵԱԼՆԵՐԸ ՀԵՌԱՑՆԵԼՈՒ ԾՐԱԳԻՐԸ

0
166

Լիբանանի ընդհանուր անվտանգութեան ընդհանուր տնօրէն հազարապետ Ապպաս Իպրահիմ յայտնեց, թէ Արսալի գաղթակայաններէն դէպի Սուրիա վերադառնալ փափաքողներուն թիւը այնքան շատ է, որ կը դանդաղեցնէ Ճեպհէթ ալ Նուսրայի զինեալներուն փոխադրութիւնը Իտլիպ: Ապպաս աւելցուց նաեւ՝ Այն Հելու գաղթակայանը ապաստանող զինեալները նոյնպէս Իտլիպ մեկնելու ցանկութիւն յայտնած են, Լիբանանի կառավարութեան հաւանութիւնը ստանալու պարագային:

Ապպաս Իպրահիմ նշեց, թէ հեզասահ կ’ընթանան Արսէլէն Իտլիպ զինեալները փոխադրելու բանակցութիւնները: «Մթնոլորտը դրական է, նախապատրաստութիւնները հեզասահ կ’ընթանան». հաւաստեց ան:
Միւս կողմէ, Այն Հելու ապաստանող արմատականներ, լիբանանեան կառավարութեան հաւանութիւնը ստանալու պարագային, Սուրիա վերադառնալու պատրաստակամութիւն յայտնած են պաղեստինեան որոշ կողմերու: Արդէն իսկ կը խօսուի հարիւր զինեալներու ստորագրութեամբ լիբանանեան կառավարութեան յղուած խնդրագիրի մը մասին, որուն մէջ կը հանդիպինք Շետի Մաուլաուիի, Ուսամա Շեհապիի, Հայսամ Շաապիի նման ահաբեկիչներու անուններուն, ինչպէս նաեւ Ահմէտի Ասիրի ահաբեկչական որջին պատկանող անդամներ:
Նշենք, թէ լիբանանեան կառավարութեան եւ Ճեպհէթ ալ Նուսրայի միջեւ անպաշտօն բանակցութիւններ տեղի կ’ունենան՝ ահաբեկիչները լիբանանէն հեռացնելու նպատակով:

LEAVE A REPLY

Please enter your comment!
Please enter your name here