ԵԱՀԿ ԹՈՒՐՔԻԱՅԷՆ ԿԸ ՊԱՀԱՆՋԷ ԱԶԱՏ ԱՐՁԱԿԵԼ ԼՐԱԳՐՈՂՆԵՐԸ

0
104

ԵԱՀԿ մամլոյ ազատութեան հարցերով ներկայացուցիչ Հարլէմ Տեզիր կրկին անգամ թրքական իշխանութիւններէն պահանջեց հրաժարիլ լրագրողներուն դէմ ներկայացուած մեղադրանքներէն եւ ազատ արձակել զանոնք: Տեզիր, կարեւոր քայլ նկատեց դատարանին կողմէ « Ճումհուրիէթ» օրաթերթին 11 աշխատակիցներէն եօթն ազատ արձակելու որոշումը:

«Սակայն այն փաստը, որ լրագրողներու զգալի մէկ մասը կը մնայ բանտարկուած, հետապնդումներու ենթակայ, կ’ապացուցէ, թէ մամլոյ ազատութիւնը խոցելի վիճակի մէջ կը գտնուի Թուրքիոյ մէջ».յայտնեց Տեզիր, դիտել տալով որ դատական նիստերու ընթացքին ոչ մէկ կերպ ապացուցուած է լրագրողներու դէմ ներկայացուած յանցանքը.« Բոլոր լրագրողները ազատ պէտք է արձակուին, առանց կամայական բանտարկութեան». յայտարարեց ԵԱՀԿ-ի յանձնակատարը:

LEAVE A REPLY

Please enter your comment!
Please enter your name here