ՍՈՒՐԻԱԿԱՆ ԲԱՆԱԿԸ ԱՀԱԲԵԿՉԱԿԱՆ ԲԱԶՄԱԹԻՒ ԹԻՐԱԽՆԵՐ ԿԸ ՀԱՐՈՒԱԾԷ ՏԱՐԲԵՐ ՇՐՋԱՆՆԵՐՈՒ ՄԷՋ

0
136

Վերջին 48 ժամերուն ընթացքին, սուրիական բանակի օդային եւ ցամաքային ուժեր ահաբեկչական բազմաթիւ թիրախներ հարուածեցին երկրի տարբեր շրջաններու մէջ:

Բանակի աղբիւր մը հաղորդեց, թէ սուրիական օդուժը ծանր հարուածներ հասցուցած է Աքաշ գիւղի, Էզամ հովիտի եւ ալ Զաաճիէ շրջաններուն մէջ իսլամական պետութեան դիրքերուն, չէզոքացնելով մեծ թիւով ահաբեկիչներ: Չէզոքացուած ահաբեկիչներուն մէջ կը գտնուի այսպէս կոչուած իսլամական պետութեան «շարիայի դատաւոր» ալ Հարպին:
Այլ գետնի վրայ, սուրիական բանակի միաւորներ բուռն բախումներ կ’ունենան Տէր Զորի Փանորամա շրջանի եւ ալ Համատիէ արուարձաններուն մէջ, ինչպէս նաեւ Տէր Զորի օդակայանին շուրջ:
Միջազգային լրատուական աղբիւրներ կը հաղորդեն՝ Տէր Զորի բնակիչները բանակի կողքին կը կռուին բազմազգ ահաբեկիչներուն դէմ: Կարգ մը աղբիւրներ հաղորդեցին, թէ Ապու Քամալ քաղաքի «կառավարիչ», ծանօթ ահաբեկիչ Ռաքան ալ Հարշ փախուստ տուած է քաղաքէն:

LEAVE A REPLY

Please enter your comment!
Please enter your name here