ՀԱՅԱՍՏԱՆԻ ԲՆԱԿՉՈՒԹԻՒՆԸ 2 ՄԻԼԻՈՆ 979 ՀԱԶԱՐ ՄԱՐԴ

0
147

Հայաստանի ազգային վիճակագրական ծառայութեան տուեալներով, Հայաստանի Հանրապետութեան մնայուն բնակչութեան թուաքանակը, 1 Յուլիս 2017-ի դրութեամբ կը հաշուէ 2 միլիոն 979 հազար մարդ: Հանրապետութեան գլխաւոր քաղաքներուն մէջ կ’ապրի 1 միլիոն 898 մարդ,իսկ գիւղային շրջաններու մէջ՝ 1 միլիոն 81 հազար 900 մարդ:

Մայրաքաղաք Երեւանի բնակչութիւնը կը հաշուէ 1 միլիոն 75 հազար 100 մարդ: Մարզերու պարագային, Արմաւիրը կը հաշուէ՝ 265 հազար մարդ, Արարատը՝ 258 հազար, Կոտայքը՝ 252 հազար 600, Շիրակը՝ 238 հազար 300, Գեղարքունիքը՝ 230 հազար, Լոռին՝ 220 հազար մարդ:
Հանրապետութեան ամենաքիչ բնակչութիւն ունեցող մարզերն են Վայոց Ձորը՝ 50 հազար, Տաւուշը՝ 124, Արագածոտնը՝ 128 հազար եւ 100, Սիւնիքը՝ 138 հազար 500:
Երեւանի վարչական շրջաններէն ամենաշատ բնակչութիւն ունի Շէնգաւիթը՝ 139 հազար 600, Մալաթիա- Սեբասթիան՝ 136 հազար 900,Նոր Նորքը՝ 131 հազար 200, Էրեբունի՝ 127 հազար 300, Կեդրոնը՝ 125 հազար 300, Արաբկիրը՝ 115 հազար, Աջափնեակը՝ 109 հազար 100: Ամենաքիչ բնակչութիւնը ունին Նուպարաշէնը՝ 9 հազար 800 մարդ, Նորք-Մարաշը՝ 11 հազար 800, Դաւթաշէնը՝ 42 հազար 400, Աւանը՝ 52 հազար 900, Քանաքեռ-Զէյթունը՝ 73 հազար 800 մարդ:
Բնակչութեան թուաքանակի վերաբերեալ տեղեկատուութիւններու սկզբնաղբիւրը բնակչութեան մարդահամարն է:

LEAVE A REPLY

Please enter your comment!
Please enter your name here